Isinqumo sedale leSupreme Court esenza kubelula ukuthi abaqatshi baxotshwe izisebenzi mahlayana sesiphikisiwe eConstitutional Court yizisebenzi ezimbili ezilethe loludaba emthethwandaba ngeviki edluleyo.
Izisebenzi lezi ebezisebenzela inkampani yeZuva Petrolium Private Limited, ziphikise ukumiswa kwazo umsebenzi yilinkampani kodwa iSupreme Court yanquma ukuthi inkampani le ibingephulanga mthetho ngokuzimisa umsebenzi.
Kulandela isinqumo lesi ngoLwesihlanu, kulezisebenzi ezedlula inkulungwane esezixotshwe umsebenzi kumankampani atshiyeneyo.
Igqwetha elimela izisebenzi zeZuva lezi uMnu Lovemore Madhuku utshele iStudio 7 ukuthi ukhweze udaba lolu eConstitutional Court ephikisa isinqumo seSupreme Court ngoLwesine.
Sixoxe lesiphathamandla seZCTU koBulawayo uMnu Percy Mcijo yena othi ayaqhubeka amankampani ngokugumula izisebenzi mahlayana.
Your browser doesn’t support HTML5
Ingxoxo loMnu Percy Mcijo