Ezinye izisebenzi zikahulumende zithi zizakhalala umsebenzi ngemva kweviki nxa uhulumende engakhangelisisanga kakutsha udaba lweholo lazo.
Uhulumende wengezelele iholo lezisebenzi zakhe ngesilinganiso esiphakathi kokulitshumi lasitshiyagalombili ekhulwini kusiya kwesingamatshumi amabili lasithupha ekhulwini, 18%- 26%.
Kodwa inkonkeli zenhlanganiso ezimela izisebenzi zikahulumende ithi imali eziyinikwa ngumqhatshi yinhlamba kizo.
UBrenda Moyo weStudio 7 ukhulume lomqondisi wenhlanganiso yababalisi eyeZimbabwe Teachers Association-ZIMTA, uMnumzana Sifiso Ndlovu othi izisebenzi zizadinga ukukhulumisana lenkokheli kahulumende womanyano zingakakhalali umsebenzi.