HARARE —
Inhlanganiso yezisebenzi zamankampani okwemba eyemigodi eyeNational Mine Workers Union of Zimbabwe ithi amalunga ayo alwela ukwengezelelwa iholo ngendlela engehlisa ukudubeka abhekana lakho okwamanje.
Unobhala we National Mine Workers Union of Zimbabwe Umnumzana Sylivester Mushaike uthi izisebenzi zasemigodini ziyadubeka kubangelwa yikwehla kwemisebenzi yemigodi ebhekana lobunzima bokuthola imali yokuthenga imitshina emikhulu edingakalayo.Uthi loludubo lukhulu kakhulu emigodini yokwemba igolide osokulezisebenzi eziqeda inyanga ezimbili kusiya kwezintantu zingatholi iholo njalo ezinye zigunyulwa ezinye zicina zile pension engatsho lutho sezisiya ekuphumuleni.
Uqhubeka ethi lokhu kwengezelelwa yimali eholiswa izisebenzi zaphansi I minimum wage ekusimo esiphansi okutshiya isisebenzi singenelisi ukuzithuthukisa sisabebenza.Ngakho inhlanganiso le ithi isilwela ukuba lezizisebenzi zithole iholo elihambelana le poverty datum line njalo kukhanya kulethemba kuloludaba:
UMushaike uthi noma kunjalo inhlanganiso yakhe ikhulumisana labaqatshi ngendlela eyakhayo bekhangela labo umumo wemigodi ukuze bevikele ukuvalwa kwayo ngoba minengi esigumula izisebenzi.Uthi inkinga enkulu ibangelwa yimigodi ye golide ngoba iphazamiswa yikwehla kwentengo emhlabeni jikelele.
Imisebenzi yokwenjiwa kwegolide yaqonga ngomnyaka ka 1999 yafika kubanga lama kilogram afika phose ku nkulungwane ezingamatshumi amathathu 28 000kgs yaphinda yehla yaze yayofika kubanga lama kilograms aphansi kwenkulungwane ezinhlanu nje kuphela ngomnyaka ka 2008.
Unobhala we National Mine Workers Union of Zimbabwe Umnumzana Sylivester Mushaike uthi izisebenzi zasemigodini ziyadubeka kubangelwa yikwehla kwemisebenzi yemigodi ebhekana lobunzima bokuthola imali yokuthenga imitshina emikhulu edingakalayo.Uthi loludubo lukhulu kakhulu emigodini yokwemba igolide osokulezisebenzi eziqeda inyanga ezimbili kusiya kwezintantu zingatholi iholo njalo ezinye zigunyulwa ezinye zicina zile pension engatsho lutho sezisiya ekuphumuleni.
Uqhubeka ethi lokhu kwengezelelwa yimali eholiswa izisebenzi zaphansi I minimum wage ekusimo esiphansi okutshiya isisebenzi singenelisi ukuzithuthukisa sisabebenza.Ngakho inhlanganiso le ithi isilwela ukuba lezizisebenzi zithole iholo elihambelana le poverty datum line njalo kukhanya kulethemba kuloludaba:
UMushaike uthi noma kunjalo inhlanganiso yakhe ikhulumisana labaqatshi ngendlela eyakhayo bekhangela labo umumo wemigodi ukuze bevikele ukuvalwa kwayo ngoba minengi esigumula izisebenzi.Uthi inkinga enkulu ibangelwa yimigodi ye golide ngoba iphazamiswa yikwehla kwentengo emhlabeni jikelele.
Imisebenzi yokwenjiwa kwegolide yaqonga ngomnyaka ka 1999 yafika kubanga lama kilogram afika phose ku nkulungwane ezingamatshumi amathathu 28 000kgs yaphinda yehla yaze yayofika kubanga lama kilograms aphansi kwenkulungwane ezinhlanu nje kuphela ngomnyaka ka 2008.