Izisebenzi zeMelika beziphumula ngoMvulo zinanza ukuqakatheka kwezisebenzi elizweni kukhefu leLabor Day, ezinye zikhuthaza uhulumende ukuthi engeze iholo lalabo abathola imali ephansi lisuka kumadola ayisithupha lidlule kumadola alitshimi ngehola linye.
Ngakwelinye icele uMongameli Obama usayine umthetho obamba amankampani aqhatswe nguhulumende ngamandla ukuthi ahlawule izisebenzi lanxa zigula, ipaid sick leave.
Omunye wezizalwane zeZimbabwe ezihlala eMelika uMnu. Jabulani Themba Moyo uthi linyathelo elihle kakhulu elithethwe nguObama. Wengeze wathi abantu kumele bahlawuilwe imali ethe xaxa ngoba izinto sezidula kulezinsuku.
Kunjalo nje, umbukiso wabosomabhizimusi beZimbabwe abahlala eMelika oweZimExpo uphele ngeSonto.
Kodwa abaqoqe lumbukiso bathi bekungela babukisi njalo umncintiswano wokudinga unobuhle weZimbabwe ohlala eMelika awubanga khona.
Your browser doesn’t support HTML5
Ingxoxo loMnu Jabulani Themba Moyo