Izisebenzi zevinkili elikhulu lako Bulawayo ele Haddon and Sly ezedlula amatshumi ayisithupha seziveze ukukhathazeka ngomqhatshi wazo obikwa eselenyanga phose ezedlula ezintathu engaziholisi kumbe ukukhulumisana lazo ngemva kokuvala isitolo lesi, sona esiphakathi kokwakhiwa kutsha.
Izisebenzi lezi zivukela evinkilini Malanga wonke ukuzomakisa ebhukwini ukuba lokhe zibuya emsebenzini kusukela ngenyanga kaLwezi ngemva kokuqeda inyanga ezimbili zikukhefu ababeliphiwe ngumqatshi.
Lokhu kwenzakala inkampani ye Olivine Industries epheka amafutha okupheka, isepa, lokunye, isithi ayiseyikuvula ifekithali yayo ngoba ingelamali yakwamanye amazwe eyokuqhuba lumsebenzi. Lokhu kwenzakala amankampani amanengi ebhekane lohlupho olufanayo.
Ivinkili elithengisa impahla zokugqoka koBulawayo, iPower Sales lalo selivale izitolo zalo ezimbili kwanamekwa igwaliba elikhuthaza abathengi ukuba baye kwezinye ezivuliweyo edolobheni lako Bulawayo.
Your browser doesn’t support HTML5
UAnnahstacia Ndlovu Uyalandisa