WASHINGTON DC —
Uhlangothi lukahulumende olwe Zimbabwe National Statistics Agency luthi ilizwe lilabantu abedlula isigidi – 1.3 million - abangasebenziyo.
Lokhu sokuphikiswe kanengi zinhlanganiso ezizimele zodwa lenhlanganiso zezisebenzi ezithi abantu phose abafika izigidi ezilitshumi – 10 million – kabasebenzi loba abanye babo belokhe bendinga umsebenzi.
Banengi abantu makhaza asebelahlekelwa ngumsebenzi kwele Zimbabwe ngenxa yokuvalwa kwamafekithali endaweni ezitshiyeneyo ikakhulu koBulawayo.
Inengi labo seliphila ngokuzisebenza loba bekhona abalokhe besebenza emafekithali lapho abathola khona imali ephansi.
Sokuyinhlalayenza ukuthi uzulu alahlekelwe ngumsebenzi ezimbabwe lapho okulabantu abafika phose izigidi ezilitshumi – 8.2 million – okuthiwa yi zimstats bayangabayanga.
IZimstats ithi inengi labantu laba bahlala emaphandleni loba nje kulabanengi njalo abakusimo esifanayo emadolobheni.
Umnu. Patrick Thaba Moyo umayor wedolobho lakoBulawayo uthi kulabantu abayingxenye yesigidi – 500,000 abangabayanga edolobheni leli.
Idolobho leli lithi lilabantu abedlula isigidi loba nje iZimstats iphitsheka ngokuthi idolobho leli lilabantu abedlula kancane inkulungwane ezingamakhulu ayisithupha lamatshumi amahlanu – 656,000.
Umoyo uthi inani leli yilo elicatshangelwe ukuthi ngabantu abasawukileyo abalahlekelwa ngumsebenzi kuvalwa amafekithali kontuthu ziyathunqa.
Uthi lokhu kutshaya inhliziyo njalo kwenza ukuthi idolobho leli lehluleke ukusungula inhlelo ezimqoka zikazulu.
Umnu. Peter Moyo ukhansila wedolobho le harare usekelana laye esithi kulabantu phose abafika izigidi ezimbili – 1.8 million kulelidolobho abangabayanga.
Uthi inengi lalabo abangabayanga seliphanda imali ngendlela ezitshiyeneyo ezigoqela ukwenza okungekho emthethweni.
UNkosikazi Kezilina Ndlovu umsekeli kanobhala jikelele wenhlanganiso yezisebenzi ezithunga okutshiyeneyo iNational Union for the Clothing Industry, uthi izisebenzi ezinengi kazisaholi lutho emafekithali okuthunga izigqoko.
Ababona ngezomumo lomnotho welizwe bathi konke lokhu kulakho ukuguquka kungenziwa ukhetho olubalulekileyo lonyaka eZimbabwe.
Lokhu sokuphikiswe kanengi zinhlanganiso ezizimele zodwa lenhlanganiso zezisebenzi ezithi abantu phose abafika izigidi ezilitshumi – 10 million – kabasebenzi loba abanye babo belokhe bendinga umsebenzi.
Banengi abantu makhaza asebelahlekelwa ngumsebenzi kwele Zimbabwe ngenxa yokuvalwa kwamafekithali endaweni ezitshiyeneyo ikakhulu koBulawayo.
Inengi labo seliphila ngokuzisebenza loba bekhona abalokhe besebenza emafekithali lapho abathola khona imali ephansi.
Sokuyinhlalayenza ukuthi uzulu alahlekelwe ngumsebenzi ezimbabwe lapho okulabantu abafika phose izigidi ezilitshumi – 8.2 million – okuthiwa yi zimstats bayangabayanga.
IZimstats ithi inengi labantu laba bahlala emaphandleni loba nje kulabanengi njalo abakusimo esifanayo emadolobheni.
Umnu. Patrick Thaba Moyo umayor wedolobho lakoBulawayo uthi kulabantu abayingxenye yesigidi – 500,000 abangabayanga edolobheni leli.
Idolobho leli lithi lilabantu abedlula isigidi loba nje iZimstats iphitsheka ngokuthi idolobho leli lilabantu abedlula kancane inkulungwane ezingamakhulu ayisithupha lamatshumi amahlanu – 656,000.
Umoyo uthi inani leli yilo elicatshangelwe ukuthi ngabantu abasawukileyo abalahlekelwa ngumsebenzi kuvalwa amafekithali kontuthu ziyathunqa.
Uthi lokhu kutshaya inhliziyo njalo kwenza ukuthi idolobho leli lehluleke ukusungula inhlelo ezimqoka zikazulu.
Umnu. Peter Moyo ukhansila wedolobho le harare usekelana laye esithi kulabantu phose abafika izigidi ezimbili – 1.8 million kulelidolobho abangabayanga.
Uthi inengi lalabo abangabayanga seliphanda imali ngendlela ezitshiyeneyo ezigoqela ukwenza okungekho emthethweni.
UNkosikazi Kezilina Ndlovu umsekeli kanobhala jikelele wenhlanganiso yezisebenzi ezithunga okutshiyeneyo iNational Union for the Clothing Industry, uthi izisebenzi ezinengi kazisaholi lutho emafekithali okuthunga izigqoko.
Ababona ngezomumo lomnotho welizwe bathi konke lokhu kulakho ukuguquka kungenziwa ukhetho olubalulekileyo lonyaka eZimbabwe.