Iziphepheli zeZimbabwe ezabalekela kweleBotswana ngesikhathi sodlakela luka2008 seziqalisile ukubuyela ekhaya ngoba zisithi ukuhlala enkambeni zeziphepheli kufana lokuba sentolongweni.
Zifika phose amakhulu ayisikhombisa iziphepheli ezihlala enkambeni yeDukwi, duzane leFrancistown njalo ezinengi sezibuyela eZimbabwe.
Lokhu kuvezwe yisikhulumi senhlanganiso yeUnited Nations High Commission for Refugees, uNkosazana Tina Ghelli kungxoxo ayenze lomsakazo weStudio 7.
UNkosikazi Ghelli ulandule imbiko ethi isimo seDukwi yiso esixotsha abanengi, ikakhulu indlala lokoma nje kwempilo kulinkamba
Kodwa ezinye iziphepheli ezingafisanga okubethwa ngamagama zithi isimo sibi kulinkamba.
Lokhu kugcizelelwe ngomunye osanda kwethekelela inkamba le uMnu Shingirai Madondo othi inengi likhale ngomumo okhona, litshengisa isifiso sokuphindela ekhaya.
UMnu James Ncube, olesihlobo esisanda kuphindela ekhaya uthi ubona kungcono ukuzama ukuphuma phandle ayephanda kulokutshona benquma lemthunzi enkambeni.
Inengi lezizalwane zeZimbabwe labalekela kweleBotswana ngesikhathi umumo wezombusazwe usatshisa ngomnyaka ka2008.
Your browser doesn’t support HTML5
Udaba lwabeZimbabwe abaphephele kweleBotswana