Iziphathamandla zikahulumende zilandula imbiko ethi uhlelo lokulotshwa kutsha kwesisekelo sombuso solumisiwe. Iphephandaba le The Herald lethule limbiko ngolweSine lisithi omunye wabagcinisihlalo bekhomidi ebona ngokuqoqwa kwaloluhlelo, uMnu. Munyaradzi Paul Mangwana nguye otsho lokhu kodwa uMangwana ulandule limbiko esithi loluhlelo kalumiswanga.
Limbiko igcizelelwe njalo ngumphathintambo kahulumende obono ngokulotshwa kutsha kwesisekelo sombuso, uMnu. Eric Matinenga oyengezelele esithi akulamuntu olamandla okumisa loluhlelo.
Omunye wabagcinisihlalo wekhomidi eqoqa loluhlelo, uMnu. Edward Mkhosi utshele uChris Gande weStudio 7 ukuthi ukusilela kwemali yiko osekuhlasele loluhelo kodwa alumiswanga ngoba eminye imisisebenzi ephathelane lalo ilokhu isiya phambili.