Uhlangothi lukahulumende olubona ngemihloliso olweZimbabwe School Examinations Council (ZIMSEC) lwazise ukuthi selwengezelele isikhathi sokubhadala imali yokubhalisa ukubhala imihloliso yeGrade 7, O le A level.
Lokhu kuza kulandela ukukhonona kwabazali besithi isikhathi sokubhadala limihloliso besisifitshane kakhulu.
IZIMSEC ithi abazali kufanele babe sebebhadale imali le mhlaka 17 Nkwenkwezi, kodwa abanye abazali bakhala ngokuthi kulezikolo ezingavumi ukuthi babhadale ngamadola eZimbabwe.
Umqondisi wenhlanganiso yezakhamizi zeHarare, eyeHarare Residents Trust uMnu Albert Mazula uthi ezinye izikolo zithwalise abazali nzima njengoba zisala ukuthatha amadola eZimbabwe.
SEE ALSO: Ingxoxo loMnu Albert Mazula.Isikhulumeli sogatsha lwemfundo uMnu Taungana Ndoro utshele istudio7 ukuthi akulasikolo esivunyelwa ukuhlawulisa imali zemihloliso yeZIMSEC ngamadola eMelika kuphela.
SEE ALSO: Ingxoxo loMnu Taungana Ndoro.