Lokhu kuphume emhlanganweni owenzelwe e Harare ngabenhlanganiso ye Practical action isebenzelana labe Renewable Energy Association of Zimbabwe - REAZ , labosomabhizimusi abaquba umsebenzi wokutholisa abantu amandla awelanga eZimbabwe. Sikhuluma kanje sokulenhlanganiso esezizimisele ukuphathisa ngemali kulumsebenzi.
Umnumzana Nick Moyo ungumnikazi wenkampani eye Deat Capital. Yenake ucasisa ngokuqakatheka Kwalumhlangano. UMoyo uthi abamabhizimusi abanengi sebelesifiso sokusungula indlela entsha yokuhlaulela indleko yamandla kagetsi avela elangeni emaphandleni bebesebebhadalisa kancane kancane sebelawo.
Emhlanganweni wokukhuthaza ukusetshenziswa kwamandla kagetsi avela elangeni aweSolar
Ocubungula ngezomnotho umnumzana masimba kuchera uthi yikho kudingakala ukuba lohulumende ephathise ejongane labasakhulayo.
Inhlanganiso ye African Enterprise Challenge enikeza uncedo ithi isiyenelise ukuthola imali ezayinikeza abakumsebenzi lo, emazweni agoqela I Zimbabwe, Burkina faso ,Ethiopia, Kenya, Mali, Mozambique le Liberia lonyaka.
Abasakhulayo abanengi abakulumsebenzi bathi ngendlela okudingakalayo eme ngayo ukuze bathole imali zokuthuthukisa umsebenzi wabo ababoni befinyelela lolo ncedo lwemali lulakho ukuphelela kulabo abalamabhizimusi amakhulu.
Ele Zimbabwe lithola amandla elilawo emalahleni awe coal, amafutha atshiyeneyo, inkuni , ugetsi lawelangeni awe solar. Emaphandleni abantu basebenzisa inkuni okubatholisa isilinganiso sokungamatshumi ayisitshiyagalolunye ekhulwini-90 % yamandla abawadingayo ikantike emadolobheni inkuni zisetshenjiswa kusilinganiso sokulitshumi lanhlanu kusiya kumatshumi amathathu ekhulwini.
Amasolar panels aseshenziswa ekutholeni amandla kagetsi avela elangeni
Abogatsha olubona ngezamandla kagetsi batshele lumhlangano ukuba uhulumende ujonge ukutholisa ugetsi kumuntu wonke elizweni ngakhoke ufisa ukuvula isithitshi sokugaya ugetsi eseBio Digest kuwonalo umnyaka aphinde evule isithitshi njalo esizatholisa amandla awe solar afika kusisindo se 100 mega warts kuwonalo umnyaka njalo ethi ngaphandle kwalokhu uhulumende ulomthetho we statutory instrument SI 147 ka 2010 ovumeza ukuthi okudingakalayo kumandla e solar kungene elizweni kungela mthelo we duty.
Your browser doesn’t support HTML5
Udaba lwamandla kagetsi awe solar siluphiwa nguMark Peter Nhambe