Unobhala webandla le Zanu PF, uMnu. Didymus Mutasa ulandule imbiko ethi ukungena kwezombusazwe kukaNkosikazi Grace Mugabe yimizamo kaMongameli Mugabe eyokucitsha umlilo obangelwa yikudonselana amandla okusebendleni leli.
Izigaba zonke zelizwe ezilitshumi sezisekele uNkosikazi Mugabe ukuthi akhokhele uhlangothi lwabomama olukhokhelwa nguNkosazana Oppah Muchinguri.
Kulamaxuku amabili kubandla le Zanu PF, elinye likhokhelwa nguMnu. Emmerson Mnangagwa elinye libikwa likhokhelwa nguNkosikazi Joyce Mujuru.
Ingcwethi zombusazwe zithi umongameli Mugabe ufuna ukuthi unkosikazi wakhe amelame ukuze amaxuku amabili la engadonselani amandla okungadabula ibandla leZanu PF.
UChris Gande weStudio Seven uxoxe lesikhulumeli sebendla le Zanu PF, uMnu. Rugare Gumbo ogcizelele imbono ka Mutasa wengezelela esithi kumele abantu bengacabangeli ukuthi uNkosikazi Mujuru ufuna ukuba nguMongameli welizwe.