Izifundi ezine ezivela ekolitshini eleZimbabwe Ezekiel Guti University - uAquila Moyo, Trish Pfende, Takudzwanashe Chinyemba loTadiwa Chipunza - sezikwele Melika eziphatheka khona kumncintiswaneni owePhilip C. Jessup International Law Moot Court.
Waziwa njalo ngokuthi yi-The Jessup kumbe Jessup Moot Competition.
Umcintiswano lo yiwo omkhulu ukwedlula yonke imincintiswano yabafundela ukuba ngamagqwetha emhlabeni wonke jikelele, njalo ungenwa yizikolo zamagqwetha ezifika phose amakhulu ayisikhombisa ezivela emazweni afika phose amatshumi ayisitshiyangalombili.
Iqembu leli likhokhelwa nguAdvocate Nyasha Charamba osebenza kunhlanganiso yamagqwetha eyeZimbabwe Lawyers for Human Rights.
Omunye wezifundi lezi uAquila Moyo uthi bakhangelele ukufunda okunengi ngamalungelo eziphepheli kuloluhlambo.
SEE ALSO: Ingxoxo LoMnu Aquila Moyo.