Umphathintambo wezembiko onguye ophethe isikhamwa esiphathisa izifundi esePresidential Scholarship umnumzama Christopher Mushohwe uthi uhlelo lolu soluncede izifundi ezedlula ezizinkulungwane ezingamatshumi amabili lanhlanu-25,000, ezagqiba izifundo zazo zaphumelela lokhe lwasungulwayo.
Umnumzana Mushowe utsho lokhu kusungulwa ikhomidi yabake baba yizifundi zeUniversity of Venda eHarare ngempelasonto ethi uhlelo losekelo lukamongameli soluphume labodokotela, ingcwethi zescience, omanjinela, amagqwetha kanye lengcwethi zeminye imisebenzi, ethi isilinganiso sokungamatshumi ayisithupha ekhulwini-60%, labatshutshisi, omantshi lama judge elizweni avela kulolu hlelo ethi bafisa ukwengezelela inani labo ikakhulu kwezomthetho ukuze beqatshe abantu abazasebenza ngobunono lobuntu.
Umnumzana Takalani Dzaga ophethe ezokukhulumisana lozulu e University ye Venda uthi balobudlelwano obungaphathisa ilizwe kusukela kuzifundi ezinje: Uthi lokhu yikusungulwa kwe committee yabake baba yizifundi zali University zivela kwamanye amazwe:
Umnumzana Levy Ndou okhokhela imihlangano lembuthano enje kuli University uthi ujabule okwamagama yikwanda kwabantu ababuye kulumbuthano ethi okwamanje bakhangelele ukuvula amanye ama committee kwamanye amazwe:
Umnumzana Mushowe uthe lezi zifundi zithi zingaqeda ukufunda zisebenzele uhulumende okweminyaka emithathu njalo zingakhangelelwa ukubuyisela imali ezayinikezwayo.
Usole uhulumende womanyano owe GNU ethi wabangela inkinga enkulu kulumsebenzi ngoba owayephethe isikwama semali kuhulumende umnumzana Tendai Biti owayengowebandla le MDC-T wancitsha imali yokusekela loluhlelo kwacina kubangela ukuba umongameli Mugabe ezidingele imali ngezinye indlela yokusiza ngayo. Uthi okwamanje sebelwisana lokwehlisa izikwelede abalazo kuma University ekhuthaza asebezisebenzela ukuba besungule isikhwama sokuphathisa ezinye izifundi ezinje ukuba zithole lazo imfundo.
Lezi zifundi zitholakala kumakolitshi atshiyeneyo ikakhulu e zansi ye Africa okugoqela I University of Venda le Fort Hare University. Uzulu kuleli uthi lolusizo lukhanya luqutshwa ngendlela elenkethabetshabi kukhangelwa ezombusazwe okuyinto ephikwa nguhulumende.
Izifundi zikhethwa ngumongameli Mugabe ngokwakhe ehleli ku khomidi elesikhulumi sehofisi yakhe umnumzana George Charamba lo Mushohwe.
Your browser doesn’t support HTML5
Uhlelo lwezifundi olwe Presidential Scholarship Alumni