Inhlanganiso emela izisebenzi eyeZimbabwe Congress of Trade Unions (ZCTU) ithi ibhekana lodubo olukhulu lokwehluleka kwabamabhizimusi labaqatshi ukubhadala imali enhlanganisweni ezimmela izisebenzi osokuphazamisa inhlelo zayo zokulwela ilungelo lezisebenzi.
Unobhala jikelele weZCTU, uMnu. Japhet Moyo, uthi loludaba luyabakhathaza kakhulu ngoba luqhubeka luqhela njalo luphazamisa umsebenzi wabo lezinye inhlanganiso zabasebenzi.
UMoyo uthi ama unions amanengi acine engasatholanga ilungelo lokuphatheka ngokuzwayo emhlanganweni omkhulu owe ZCTU owenziwa kanye phakathi kweminyaka emihlanu owenzelwe eHarare lonyaka wokukhetha inkokheli zalezinhanganiso.
Umnu. Sylverster Mushaike, okhokhela inhlanganiso ye Mine Workers Union of Zimbabwe, uthi lamabhizimusi amakhulu afana labaqhuba imisebenzi yemigodi abalezisebenzi ezimelwa yinhlanganiso yakhe labo balodubo besehluleka ukubhadala.
Uhulumende uthi ulemizamo yokulungisisa udaba uluzenza ukuba abagebha bezimele amakorokoza besebenze ngokusemthethweni kodwa uMushaike uthi kukhanya kungacaci kangako ngendlela engaphathisa umnotho welizwe.
Ukubhidlika komnotho okuqhubekela phambili kubangela ukuvalwa kwamafekitali lokugunyulwa kwezisebenzi kutshiya lawo amalutshwana amabhizimusi alokhe esebenza esadalala ukuba eqhubekele phambili esebenza.
Your browser doesn’t support HTML5
Udaba Esilethulelwe NguMark Peter Nthambe