Ibandla leZanu PF selilezikhundla eziyisithupha ko Bulawayo edale lephalamende kulandela ukunqoba elikwenze kukhetho lwe By-election esigabeni se Nkulumane ngoMgqibelo.
Inhlanganiso ebona ngezokhetho eye ZESN
Kodwa inhlanganiso ebona ngezokuqutshwa kokhetho, iZimbabwe Election Support Network, ithi bekusetshenziswa uluhlu olwehlekeneyo kulolokhtho okwenza kube lensolo.
Linhlanganiso ithi bekuloluhlu olulabantu abazinkulungwane ezilitshumi lantathu kuzokuba lolunye uluhlu olulabantu abazinkulungwane ezingamatshumi amabili. Isithi ukubala lokunye okwenziwa kukhetho kukhanya kuqhutshwe ngemfanelo.
IZESN ithi kube labantu kakhulu abavotileyo inengi labo kungabesifazane.
“Okungaba kubangengeli inani elilutshwana labantu abavotileyo yikuthi amanye amabandla kawangenanga kukhetho njalo ukwenziwa kokhetho ngekhefu lekhisimusi abanye abantu sebehambe emakhaya,” kutsho iZESN.
Onqobe kukhetho lweBy-elections eNkulumane umnumzan Killian Sibanda owe Zanu PF
Omela ibandla le Zanu PF, uMnu. Killian Sibanda uthole amavoti azinkulungwane ezimbili, 2 161 kwathi uMnu. Nngwalo Nyathi owe Progressive Democrats of Zimbabwe ekhokhelwa nguNkosazana Barbara Nyagomo wathola amavoti angamakhulu ayisithupha, 680.
UNkosazana Sibusisiwe Mpofu owe Reformed Democrats of Zimbabwe ekhokhelwa nguMnu. Elton Mangona yena uthole amavoti afika phose amakhulu amane 397.
Amacele eMDC kunye lamanye amabandla afana le Zapu kawangenanga kulolukhetho. USibanda ucasisele umsakazo weStudio Seven ukuthi ukhangelele ukuthi uzaphathisa njani lesi sigaba?
“Into eqakathekileyo yikuthi abantu beNkulumane lakoBulawayo jikelele balodubo lokuvalwa kwamafekitali, ama sanctions saba lawo. Into eqakathekileyo yikuthi silwe khonaphana ephalamende ukuthi amafekitali avulwe,” kutsho uSibanda.
Ephendula umbuzo wokuthi ukhetho aluqutshwanga ngemfanelo uSibanda uthi ukhetho belungela kuqilibezela njalo abakhalo ngabanqotshiweyo.
Kudaba lokuthi yena uvotelwe ngabantu abazinkulungwane phose ezintathu kuphela khona kuyake kuvote abafika phose inkulungwane ezingamatshumi amabili uSibanda uthe:
“Nge general election abantu bayakwazi ukuthi ukufaka upresident kuyatshintsha izinto … abantu bayasukuma ngobunengi babo … sekuyimbali yethu nje ukuthi ama by elections kuvota abantu abalutshwana,” kutsho uSibanda.
Your browser doesn’t support HTML5
Ingxoxo loMnu. Killian Sibanda