Izakhamizi esabelweni seMatabeleland South zithi zifuna kube lombuso wezabelo ozathuthukisa izigaba zabo ukwenzela ukuthi inhlupho ababhekane lazo ziphele.
Izakhamizi esixoxe lazo zithi zifisa ukuthi uhulumende asungule umbuso wezabelo kuwomalo umnyaka ukuze kubelentuthuko ezigabeni zabo, nangu uMnu Zwelithini Gabula oweSitezi, eGwanda North.
Okugcizelelwe nguMnu Ezra Wadenga oweGungwe kuWard 12 eGwanda North othi uhulumende kusamele athathe amanyathelo ngaloludaba.
Osakhulayo uMnu. Constantine Mpofu oweMaphisa, eMatobo uthi balulindele ngabomvu uhlelo lombuso wezabelo.
UMnu. Ntando Ndlela oweFilabusi, oyisikhulumeli sabatsha kubandla leMDC Alliance eZansi yemaNdebeleni uthi uhulumende kazimiselanga ukusungula umbuso wezabelo.
Kusenjalo inengi lezakhamizi ezaphiwa inhlanyelo yohlelo lukahulumende olukaGatshompo zikhala ezimathonsi ngemva kokusebenzela ize.
Inengi lithi eyinye inhlanyelo elayiphiwayo kayimilanga osekudale ukuthi betshale kutsha, nangu uNkosikazi Janet Nkala.
Lanxa kunjalo inengi lithi likhangelele isivuno esingcono lonyaka izulu lingaqhubeka lisina.
Your browser doesn’t support HTML5
UAlbert Ncube Uyalandisa