Abesifazana eMatabeleland South bathi bebethwele amagabha avuzayo ngomnyaka ka2021 ngenxa yokuqhamuka komkhuhlane weCOVID 19 kanye lokuwa komnotho welizwe.
Izakhamizi esixoxe lazo zithi ukuqhamuka komkhuhlane weCOVID 19 kanye lokubhidlika komnotho wakuleli kudale ukuthi ziphile kanzima.
UNkosikazi Janet Nkala oweMatshetsheni eGwanda North ukhala ezimathonsi ngemali yakuleli athi ayithengi lutho.
UNkosikazi Matilda Dube uthi ufisa izulu liqhubeke lisina ukuze babelesivuno esithe xaxa beziphilise labantwababo.
Umqondisi wenhlanganiso emela amalungelo abesifazana lamantombazana eyeWomen Development Association of Zimbabwe iWODAZ uNkosikazi Sethekele Tshabangu uthi inengi labomama emaphandleni liphazamisekile kakhulu enhlelweni zokuziphilisa.
Ubhubhano lweCOVID 19 lusaqhubeka elizweni okungadala ukuphazamiseka kwenhlelo ezinengi lonyaka.
Your browser doesn’t support HTML5
UAlbert Ncube Uyalandisa
Asizweni abanye abesifazana bandisa ngababhekana lakho ngo2021 labakufisayongo 2022.
Your browser doesn’t support HTML5
Lalela Loludaba Ngokugcweleyo