Izakhamizi zesiqintini seInsuza eMatabeleland North zikhala ngenhlupho ezibhekane lazo ezigoqela ukuswelakala kwamanzi, imgwaqo efileyo, izikolo ezingasebenzi kuhle lendlala eyesabekayo.
Amanzi yimpilo. Isomiso esidalwe yisikhudumezi se-El Nino senze imifula lamadamu kwawoma qha kulindawo kwatshiya izakhamizi lezifuyo zingela manzi okunatha. Ugogo uMaZikhali ukhala ngamanzi ezifuyo.
"Thina uhlupho esilalo esigabeni sethu lapha kakhulu kakhulu ngamanzi enkomo inkomo azila manzi sikhalela idamu ukuthi nxa singathola idamu lokuthi inkomo zinathe ziyakhotshozelwa ezibhoraneni izibhorane azisela mapipe ama pipe kuyavuza ukuya amarod konke kuqamukile vele asila nto ezipheleleyo so siyabe silokhe sijoyinisa inkomo yizo ezilohlupho kakhulu amanzi."
Amazwi kaMazikhali agcizelelwa nguMnu. Nicholas Sibanda othi abantu sebenatha lenkomo kusikotsho esisodwa esiku Ward 11, Village 2A.
Kunengi oluhlupha izakhamizi eInsuza esabelweni seMatabeleland North
"Inkomo azilamanzi labantu eh amanzi abucwala sifisa ukuthi aluba singathola nje eh ukuthi basigebhele isibhorane or besifakele ojojo ngoba kulezinsuku njengoba kuzindlala kanje kuyadingakala ukuthi senze izingadi abantu sebaze bayenza indreyer kunatha inkomo khonapha kudry eh kuwell yoneyo kunathe labantu sesiphombu kunatha nje ukuthi sizakuthini."
Usobhuku kaWard 11, Village 2A, uMnu. Lutha Tshuma uthi ezinye izakhamizi zakulindawo yakhe azilindi hulumende ukuthi azincedise ziyazigebhela imigodi yamanzi.
"Bayazenzela esekuhlupha kakhulu ngamanzi enkomo amanzi enkomo asila damu izibhorane ziyafa abancedisayo sabona engani bayasiphuzela sathi ncono sizitshayele imali sasesigebhisa ke la. uhlupho amanzi enkomo nje lokudla azikutholi kodwa emanzini amanzi awekho."
Lanxa isigaba seInsuza sesilabantu abanengi okwamagama abokuza abahlaliswa kutsha kulindawo, akula sibhedlela, kule kilinika eyodwa kuphela iMbembesi Clinic okubikwa ukuthi kayilamithi. UNkosikazi Ester Ncube uthi ule high blood pressure njalo kalamaphilisi.
Bathwele amagabha avuzayo eInsuza eMatabeleland North
"Siyagula khonapha singo Gogo sinje no philisi yiliphi elamathambo ele BP imali yakhona vele iphezulu ele BP kuqala kwakuncono elimhlophe lalikhona khathesi akusela uyahamba uyephenduka bayakubhalela kuphela kuthwa yana edolobheni uyedinga so imali asilayo thina siyalamba vele siyalamba ukulamba siyalamba siyaquqa khonapha ngendlala."
UMnu. Paul Ngwenya laye uthi akula ambulance yokuthwala izigulane.
"Eclinic khonaphana into esingathi siyakhalazeka kakhulu ngayo yi Ambulance asilayo ambulance yokuthi nxa umuntu segula kakubi sekukuwe ukuthi khona uyajika kumbe usiwe St Lukes kumbe usiya edolobheni sokunguwe odinga futhi amagonyeti kumbe ini."
Abantwana bahamba umango omude besiya esikolo kulindawo kukanti udubo oluzwisa abazali ubuhlungu eMatabeleland yonke jikele ngolwababalisi abangakhulumi ulimi lwabantwana abafundisa ezikolweni zemfundo ephansi eyeprimary. UNkosikazi Olly Moyo uthi kumdabulinhliziyo okwenzakala eInsuza.
bakhala ngababalisi abangazi iSiNdebele abafundisa abantwana abancane esigabeni seInsuza, Matabeleland North
"Sikhala kakhulu ngokunanzelela ubukhatshana beskolo ikakhulu abantwana abancani iECD ilevel kaecd ukuthi ifundiswe ngu miss wesishoneni lapha sikhuluma isindebele ikakhulu isishona silutshwana thina abadala asisizwa kodwa abantwana abancani iECD kunzima nxa ecd class iyafundiswa ngu teacher wesishoneni siyakhalaza ngakho ukuthi alubana singakubonela lokhu sivikeleke kikho."
IStudio 7 yethekelele njalo okuholiswa khona abantu ukudla nguhulumende eInsuza Business Centre. UNkosikazi Fidelia Nyoni laye uholile ukudla.
"Siyahola lonyaka ayi izulu alinanga yindlala kuphela asivunanga lutho asitholanga lutho emasimini siyayibonga Hulumende ngoba isisincedisile sibili ngokudla akuzange kukhethe abanye babengabhalisanga babengekho mhlazana kubhaliswa bebuya bezoholisa labana abakuqala bakhuluma bathi abanye bebhalise ababengabhalisanga kwabhalisa wonke umuntu ipha nje wonke umuntu ayikhethi."
USobhuku uGeorge Ncube, oloba amagama abantu okumele bancediswe ngokudla, uthi kakhethi muntu.
Bathi bayahlupheka abantu esigabeni seInsuza eMatabeleland North
"Akutholakalanga lutho emasimini ngitsho lokufaka emlonyeni vele asizange sithole lutho ah indlala iyatshisa kungaba lesdumbu lesdumbu eh kodwa ayi kuba lobubele kuncono ngoba uhulumende iiyazama sibili ukusinika akukhethi muntu lapha umuntu onguye ophilayo okhona emhlabeni wonke uyanikwa ngoba uhulumende uthi wonke umuntu ophilayo okhona emhlabeni wonke uyanikwa ngoba uhulumende uthi umuntu wonke ophilayo azuze ukudla."
UMphathintambo wesabelo seMatabeleland North njalo engumeli walindawo edale lephalamende, uMnu. Richard Moyo, uthi wonke umuntu obhekane lendlala kusabelo sakhe uyathola ukudla njengesithembiso sika Mongameli Emmerson Mnangagwa.
"UPresident wapromiser ukuthi Zimbabwe akulamuntu ozalamba kungakhathekelanga ukuthi ungawayiphi party ungowawuphi umhlobo and Matebeleland North ukudla sokufikile sesibanikile abantu okwe 3 months and kungaphela consignment ye 3 months siyabanika futhi okunye okwe 3 months up to March next year ama admin district onke angu 7 awe Matebeleland North ukudla sekufikile."
Inhlanganiso ezizimeleyo zithi kulabantu abedlula izigidi ezingamatshumi ayisithupha – 61 million ababhekane lendlala enkulu kuzwekazi leAfrica.
EZimbabwe kulabantu abafika phose izigidi ezilitshumi – 9 million abadinga ukudla ngenxa yendlala ebangelwe yikukhudumala komkhathi emhlabeni wonke jikelele.