Abantu abanengi ezabelweni ze Zimbabwe babikwa bengazi ukuthi kumele kwenziweni nxa kulotshwa isisekelo esitsha sombuso we lizwe.
Umnu. Albert Mhlanga omele iPumula edale le phalamende ekubandla le Movement for Democratic Change ekhokhelwa nguMnu. Morgan Tsvangirai uthi kukhanya umnyama ubambile ebantwini abanengi njengoba esanda kwethekelela ePlumtree lezinye inkokheli zamabandla eMDC lapho abathole ukuthi uzulu ucabanga ukuthi ukulotshwa kwesisisekelo sombuso ngokwabantu abaphakeme hatshi ohwayibhetshu.
U Mhlanga uthi endaweni ezinjenge Bambadzi kanye le Ndolwane bathole abanye abantu bengazi lokuthi kulotshwa isisekelo esitsha sombuso welizwe.
UMhlanga utshele uGibbs Dube we Studio 7 ukuthi okwenza abantu bengazi okunengi ngaloluhlelo yikuthi kabasazi lesisekelo sombuso welizwe esidala.
Kukhanya umnyama ubambile ebantwini abanengi njengobai uzulu ecabanga ukuthi ukulotshwa kwesisisekelo sombuso ngokwabantu abaphakeme hatshi ohwayibhetshu