Liviki kuhlelo lwethu "Liphuma Lendaba Litshone Lendaba" uChris Gande weStudio 7, uxoxa lesakhamuzi se Daluka eLupane, uMnu. Moven Qhelisa Ngwenya ukuze sizwe ukuthi impilo injani khonale eLupane kunye lakwezinye indawo elizweni.
UNgwenya uthi emasimini komile okokuthi akula ngitsho okuzatholakala ngoba izulu lingananga kakuhle lonyaka. Uthi abantu sebeqalisili ukungenisa inkomo emasimini ukwenzela ukuthi zizidlela amahlanga.
Kodwa uhlangothi olubona ngezomkhathi luthi ilizwe lizathola izulu elinengi kumalanga amalutshwama alandelayo. Ekuqaleni kwesikhathi sezulu loluhlangothi lwathi lonyaka kuzakuba lezulu elenelyo.
UNgwenya uthi abantu sebephila ngokuthenga umumbu becholisa kuthi abangelamali bona batshona belambile.
Your browser doesn’t support HTML5
Uhlelo Liphuma Lendaba