Izakhamizi ezihlala ezigabeni ezakhelane ledolobho lakoBulawayo zikhala ezimathonsi ngamasela atshontsha abulale izifuyo zazo ayethengisa inyama emabhutsha edolobheni leli. Esigabeni seHope Fountain, inengi lithi inkomo zitshontshwa ebusuku ezibayeni kumbe nxa zisemadlelweni.
Kulez’insuku abantu beHope Fountain balala bequthile njengomvundla belinde izifuyo ngoba amasela sevuk’ubhova. Ukhulu uPeter Sibanda ngomunye okhalayo.
"Ngatshontshelwa inkomo zami ezingu 4 zayabulawa inkomo lezi zazise sibayeni ngayazivulela ekuseni ngithe ngizivulele ekuseni ngithe ntambama ngahlangana lamathole ewodwa ngahle ngasuka lapha ngayadinga. Ngahamba emapholiseni eWaterford ngayawabikela.”
UMnu. Enock Nkiwane laye uthi amasela atshaye abhuqa esibayeni sakhe.
"Siyazama ukudingadinga inkomo kodwa inkomo bazintshontsha ezami batshontsha 7, zitshontshwe last month. Angazi ukuthi singasizakala ngendlela bani ngoba indlela eyenzakalayo enkomeni la ayimnandi lamasela ungaze uwabone awula plan ukuthi uya actor, uzaba actela njani bayabaleka futhi. Angazi ukuthi indaba enjalo singayenzanjani siyazama abantu bakhona ukuthi sibabambe, kunzima ababambeki."
Omunye njalo osebuhlungwini nguGogo uSithembiso Nkomo owatshontshelwa umhlambi wonke.
"Inkomo zahamba ezingu 10 so azibonakali zahle zafa ezinye bahle baziquma bahamba bathatha badlela khona egangeni so ngidinga inkomo zami ngibuhlungu."
Kulabanye abathi inkomo zabo sezivalelwa ezibayeni lapho ezinikwa khona ukudla ngenxa yokwesaba ukuthi zingatshontshwa. UMnu. Stanford Nkomazana ngomunye wabo.
"Sizivalele siyazi feeder sibalekela amasela eyi sesitshontshelwe kakhulu inkomo sitshontshelwa zingaphuma ziyahamba aziphenduki ziyabulawa sibone ngamakhanda udinge inkomo ukhathale so sasesibona kungcono ukuthi ke sithengise ezinye sithole ifeed yokuthi sizi feed uhlupho esilalo asikwazi uhulumende uzasincedisa njani kodwa sile hope amasela amanengi azabanjwa."
TEXT: Ngenyanga kwaNcwabakazi lonyaka isakhamizi sakoBulawayo sabamba isela lihamba ngemota lithwele inyama yenkomo eziyisikhomisa. Inyama le yayingeyenkomo zika Mnu. Zenzo Luphahla oweHope Fountain. Yena sowatshontshelwa inkomo ezedlula amatshumi amane.
"Into lezi ayisikho ukuthi ngezakuqala vele bahlezi betshontsha okwakuqala babesatshontsha esibayeni khathesi besebetshayela egangeni eHope Fountain vele as a whole imizi from village A, B, C, D siyatshontshelwa. Amapholisa siya reporter akula follow up ababuyi as it is khathesi ngatshontshelwa ngitshontshelwe abazange babuye kuground bezobona inkomo ngokwayo ezinye zaganyulwa."
Uyaphambili uLuphahla esithi amapholisa seyehlulekile ukubamba amasela abatshontshelayo.
"More than hundred inkomo ezitshontshwe eHope Fountain but abakaze babambe lutho and kuthwa kule anti stocktheft kanti anti stocktheft ngeye wofisi yini kumbe ngephumela phandle ibuze izikhalazo zabantu hanti kumele iphume kuground isebenzele ebantwini ingasebenzi isewofisini ngoba as it is khathesi inkomo ziyabulawa ababuyi kuground bezobona ukuthi inkomo zibulawa ngaphi ehopefountain."
Abanye abahlali bakulindawo sebecabangela ukuba abatshontsha inkomo zabo badlelana lamapholisa. Isikhulumeli samapholisa akoBulawayo, uInspector Abedinico Ncube, uthi nxa abantu belensolo lamapholisa abaphanyeke udaba lwabo kunkokheli yamapholisa edolobheni leli.
"Nxa kukhona umuntu ole information loba injani kabuye emapholiseni eProvince azobona abakhulu be-province loba kungubani loba kuyimi engithithekayo endabeni zenkomo ngoba inkomo ikakhulu endaweni yeMaNdebeleni lapha yilo igugu labantu. Uma ekhona othintekayo loba kunguNcube ethinteka endabeni zenkomo limbhode uNcube lingayikhona lingahambi ku-officer in charge kaNcube lapho, buyani eprovince liyekhuluma ukuthi silompholisa kumbe silomuntu esibona engani ubambene lamapholisa onje onje onje indaba leyi siyilwiseni sonke."
Akwaziwa ukuba sezingaki inkomo esezitshontshwe eHope Fountain kusukela ngoZibandlela lonyaka.
SEE ALSO:
Udaba Esilwethulelwe NguEzra Tshisa Sibanda