Izakhamizi ezihlala kuVillage 2A eNsuza esabelweni seMatabeleland North zidlephana labantu bokuza abazicandela imizi besithi bangabebandla leZanu-PF.
Lababantu bafaka imizi mahlayana lasemadlelweni enkomo bethatha lensimu zabanikazi bengagqize qhakala.
Babuya ngobunengi bevela endaweni ezitshiyeneyo zeZimbabwe bethatha umhlabathi kulindawo. Ukuthatha amasimu kakhulu uSlingo Ndlovu oleminyaka engamatshumi ayiyitshiyagalolunye lambili – 92 -- ngabathi bangabalweli benkululeko kwenze izakhamizi zavusa umsindo zilwisana labantu laba.
Uyakhala ukhulu uNdlovu othi kwakwazi ukuba kwenzakalani.
Umuzo owakhiwe okungekho ethethweni eInsuza, Matabeleland North
"Ngithe ngiyabuzwa kwathwa umhlabathi wathathwa nguSobhuko lapha insimi yami ikhona I lokhe isiyale ngoba sembona semvele sengithathelwe kumele ukuthi yena atshiye yonaleyi indawo asikho yakhe ngeyami mina ngifike la 1981.
Ingane kaNdlovu, uThembinkosi Ndlovu, udingwa yilababantu okuthiwa bafuna ukumsusela amanqe.
"Kubuhlungu ngoba nxa ubaba athathelwa insimi yakhe aphilele nga ebeyilima izikhamizi zikhangele sicela ukuthi zakhamizi zincedise ngoba ubaba ufike kuleyindawo esesilajaha laye esaqinile njeengami."
UNkosikazi Thokozile Ncube, ongumakhelwane kaNdlovu, uthi lababantu babedinga umntaka Ndlovu ngamehlo abomvu.
"Unga umntaka Ndlovu wamsela kwathwa uhambile bathi umtshele asifuni lakumbona itshazi kuyenaleyi indawo ukumbona nje khonaphana vele asifuni lakumbona leyi indawo sayiphiwa ngumthetho bathi banga ma war vet indawo leyana sayiphiwa ngumthetho vele asifuni lakumbona itshazi khonaphana ukhulu wahamba emapholiseni wafika amapholisa athi buyela kusobhuko yindaba kasobhuko akumele ayiphathe leyi."
Banengi abakhala ngokuthathelwa imizi lamasimu abo. UGogo uMaNcube uthe walwa lonobhala webandla leZanu-PF kulindawo ezama ukumthathela umhlaba wakhe.
Umuzi owakhelwe endaweni engekho emtthethweni eInsuza, Matabeleland North.
"Sithwele nzima ensuza lapha sithe sifika kode kuright ufice ukuthi sekulomuntu ofakiweyo la. Awumazi uyavuka ekhona kuvuka kubhebha umlilo. Ungathi uyabuyaza umuntu uyakutshela ukuthi uphiwe ngomunye uzanyamalala uyangena ku cross fire siyakutshela lokhu thina mina vele sengilindele ukufa vele siyakutshela ukuthi uyangena kucross fire lapha salukazi umuntu uyambona ehlaliswe lapha kufikwe kuthathwe nsimi yakho."
UMnu. Melody Sibanda ngomunye wabazihlalisa kulindawo.
"Yikho okukhona angila mazwi amanengi ngingumntwana omncani ngingahambeli phambili kwezinye izinto kodwa okusalayo khonokho okukhulunywayo yikho okwenzakalayo mina angilawo amanengi lingadlulela komunye phambili."
SOkwakhiwe imizi engekho emthethweni eInsuza, Matabeleland North
Umkokheli webandla leZanu-PF kulindawo, onguye izakhamizi ezithi ubisa abantu bokuza ebathengisela umhlabathi uMnu. Mjanana Mangobongobo Moyo, uthi yena kafakanga muntu kulindawo wathunywa yinkokheli yebandla lakhe ukuthi ibone uhlelo lokuhlalisa kutsha abantu.
"UMthimkhulu nguye owangilandayo ezengitshela ukuthi hambe khangela ukuthi abantu bafaka kuhle yini ngendlela elungileyo yini ngithe sembulawa ngamehlo sengivela esibhedlela sengivela phala amehlo ngafica abantu sebefakwe babayimvenke venke so mina khonapha icala lami yiliphi? Ayisikho ukuthi labo bantu ama war vet lawo atshiwoyo akhulunywa ngawo mina abizwa yimi. Ukhona usobhuko owababizayo onguye olenjongo ngabo ayikhona mina." Usobhuku wakulindawo kaVillage 2A, uMnu. Lutha Tshuma, uthi abantu beZanu-PF sebazifakela omunye usobhuku.
"Ngeke senze lutho ngoba bathi bona abatshelwa ngumuntu bona basebenzela iparty ukuthi bangenise abantu be Zanu PF kuphela thina lapha asihlalanga ngeZanu PF kuphela sihlezi nje nguhulumende ohlanganise bonke abantu kabuye azohlalisa kuhle abantu bakhe laba abahlaliswa yiparty sesixabana basithathela lamasimu basivalela lemgwaqo basivalela yonke into sokungani thina yithi esicela kibo sokungani thina silwa labo thina asilwi labo."
Usubhuku obikwa ethathela abantu umhlabathi uMnu. Thomas Pedzi encedisana lalowo othi wayengumlweli wempi yekululeko uMnu. Walter Ncube bayalile ukukhuluma leStudio 7. Ukhansila wakulindawo uMnu. Tapson Zololo Moyo uthi abantu beZanu-PF bazenzela santando eNsuza bethengisa izitanda.
"As a member of the party you are allowed to sale to any Jack and Jill just sell iland 10,000 rands 12,000 to 15,000 rands. Amapholisa alapha two out of 10 are wonke they are illegal settlers ipholisa nxa lizaba yi illegal settler linikwe indawo yokwakha umuzi under the tree by an ordinary person do you think is that a policeman? Usobhuko is nothing locouncillor is nothing is not counted kuqalisa ukwenzakala ngatshela uDA kusese ngubaba uZiboboyi wathi ngikwenze in writing, I made it in writing ukuthi kuward yami kuyonakala abantu are selling land willy nilly uZiboboyi wangiphendula wathi councillor my hands are tight ukuthi ngithi by who to my boss I am not allowed."
Umphathintambo wesabelweni seMatabeleland North njalo engumgcinisihlalo webandla leZanu-PF kulesisabelo esigoqela indawo le yeNsuza uthi ngamanga aluhlaza ukuthi abantu abathathela abanye indawo zokuhlala bathunywa libandla lakhe.
"So bonalabo abantu abahamba begamula izihlahla becenta emadlelweni abantu emasimini eh befaka abantu bethi bathunywe yiparty asoqiniso lelo ngabantu abazenzelayo ngoba abafaki abantu mahara bayabe bebabhadalisa konke lokhu kuyikuganga thina njenge party njenge government ngimele party Matebeleland North ngimele uhulumende asithumeli muntu njenge party ukuhamba gamula and labo bantu kufuze ba report emapholiseni."
Izakhamizi ezinengi eNsuza zithi sezihlalele evalweni zisesaba ukuba zizathathelwa imizi ngabantu bokuza okuthiwa basetshenziswa ngabanye abantu abakubandla leZanu PF.
SEE ALSO:
Udaba Esilwethulelwe NguEzra Tshisa Sibanda