Izakhamizi zeMaphisa esigabeni seMatabeleland ezingamatshumi amabili lasithupha ezibotshwe ngoLwesihlanu zifuna ukuyatshengisela emawofisini ogatsha olubona ngokulima olwe ARDA, zikhonona ngodaba lokuthi lolugatsha lufuna ukuthi izakhamizi ezedlula imizi engamatshumi amahlanu zisuke kanye lamadlelo azo athathwe zikhululwe ngumthethwandaba namhla.
Izakhamizi lezi zibikwa zazitshelwe ngamapholisa ukuthi bayekhulumelana kodwa bathi befika baphoselwa ejele.
USenator Sithembile Mlotshwa, omela isigaba seMatabeleland South, ngomunye owabotshwa lezakhamizi lezi.
"Abantu beMatankeni, Mahetshe leHamba bakhitshwe ngendlela engayisiyo lapha asebehlale khona okweminyaka leminyaka begejelwa amangcwaba abo kungela muntu obatshelayo ukuthi kwenzakalane," kutsho uSenator Mlotshwa.
UMlotshwa uthi izakhamizi lezi zithi ziye kuye njengommeli wabo ngoba sebeswele ukuthi bengaphephela ngaphi.
Your browser doesn’t support HTML5
Ingxoxo loNkosikazi Sithembile Mlotshwa