Inkokheli zomdabu kanye lezakhamizi zeGwanda South sezethese amapholisa umlandu wokusebenza lamasela atshontsha inkomo.
Kuliviki izakhamizi ezedlula ikhulu zitheleke enkambeni yamapholisa eGuyu zingasadlanga nkotshana zikhokhelwa yinduna uMarupi.
Izakhamizi lezi zamukelwa ngomkhulu wamapholisa esiqintini seGwanda uMnu Mandlenkosi Moyo yena owathembisa ukuthi amapholisa angaba esebenzelana lamasela azajeziswa.
Kodwa isikhulumeli samapholisa eZansi yemaNdebeleni uNkosikazi Loveness Mangena utshele iStudio 7 ukuthi akulasikhalazo asebesitholile ngamapholisa eGuyu.
Kulinyanga amapholisa eGwanda aphuma ijumo esiyadinga amasela enkomo eTshanyawugwe ngemva kokutshaywa kwezakhamizi lamapholisa ayelonda inkomo.
Your browser doesn’t support HTML5
Udaba Siluphiwa nguAlbert Ncube