Uzulu weZimbabwe usebuyele ezikhathini zokusebenza kusukela ngo8:00am kusiyafika u5:00pm emini yantambama ngemva kokuyekethiswa kweziqondiso zeCOVID-19 Lockdown, nguMongameli Emmerson Mnangagwa ngoLwesibili eyikhipha kuLevel 4, isiya kuLevel 2.
Phansi kuka Level 4 COVID-19 Lockdown, amabhizimisi eZimbabwe abe esevalwa ngehola lesithathu-3:30pm emini, ngesikhathi ilizwe lizama ukumelana lobhubhane kodwa okwamanje esavala ngehola lesikhombisa-7pm ntambama.
Indawo ezifana lezokudlela, izitolo ezithengisa ukudla lokunye okusetshenziswa nguzulu nsuku zonke ezama supermarkert, lezinye seziqalile ukulandela iziqondiso ezintsha lezi inengi lisithi lokhu kuzanceda kakhulu.
Isiqondiso sokwalela abantu ukuhamba hamba ngezikhathi ezithile ese Curfew laso siyekethisiwe, sebevunyelwa ukuhamba Phakathi kwehola lesihlanu lengxenye ekuseni ngohalf past 5 becina ngehola letshumi-10pm.
Amankampani amanengi amancane lamakhulu athi lokhu kuzawasiza kakhulu ukuba athole inzuzo ngoba inengi lawo kade esevala esengenelisi ukuthola imali yokubhadalela indleko zokusebenza lokuholisa izisebenzi Phakathi kwesikhathi abakade besinikiwe.
Umholi wenhlanganiso yabakubhizimusi lezitolo eyeConfederation of Zimbabwe Retailers, uMnu. Denford Mutashu, uthe leli nyathelo likahulumende lizabanceda kakhulu.
“Sibonga kakhulu umongameli ngokwengezelela inani lamahola emisebenzi ngesikhathi ilizwe lizaba ukulwisana lo bhubhane lwe COVID-19. Lobanje sekulamahola amanengi okusebenza sikhuthaza abantu ukuba balandele iziqondiso ze COVID-19.”
UMutashu uthi kuqakathekile ukuba abantu bahlatshwa ijekiseni yokuzivikela kuCovid-19, ukuze bavikeleke kubhubhane lolu njalo amabhizimusi lempilo zabo zibuyele esimeni sakudala.
Unobhala jikelele wenhlanganiso yezisebenzi eyeZimbabwe Congress of Trade Unions (ZCTU) uthe sekumele amankampani avikele izisebenzi ngesikhathi lesi.
“Okuqakathekileyo yikuthi indlela zokuvikela lumkhuhlane ikhangele impilo zezisebenzi. Nxa uhulumende ethathe leli nyathelo kasakhangeli ukuba izisebenzi zinakekelwe kangakanani.”
Uqhubeke esithi ngabe uhulumende uyangenela endabeni zokuba izisebenzi zithole iholo elingcono ngoba iLockdown isiphazamise impilo zabanengi.
“Abanye bangena engozini zokubamba umkhuhlane lowu ngoba kabanikwa okungabafikela, ngoba uhulumende lamankampani kabasananzi ilungelo lezisebenzi.”
UMnu. Peter Chirema, ophila ngokuthengisa eHarare, wamukele ngenjabulo inyathelo lokwengezelelwa isikhathi sokusebenzela imuli yakhe.
“Kuyinto eqakathekileyo ukuthi sibona izinto zonke zibuyela kudala, ngoba sokunceda ukuba labo abafuna ukuzisebenzela kabasebenze. Ngabe uhulumende uyanceda ikakhulu endabeni zokuhambisa”
Lobanje uzulu esephindela kancane kancane emsebenzini inengi likhala ngodubo lokuswelakala kwezimota zokuhambisa likhuthaza uhulumende ukuthi kumele avumele ukuthi izimotha ezazikulumsebenzi ezazisebenza phambilini kokuqamuka kobhubhane ziphindele emigwaqweni ezingekho phansi kukaZupco.
Ngakwelakhe icele uhulumende usethethe inyathelo lokuvuselela ukuhamba kwezitemela ezizanceda abantu abaya emsebenzini emizameni yokuqeda udubo lokusilela kwezokuhambisa.