Umkhokheli weMDC-T uMnu Morgan Tsvangirai uthi ibandla lakhe liyaqhubeka ngemizamo yokuthi amalunga ebandla leMDC Renewal Team exotshwe edale lephalamende ngoba engasekho kubandla lakhe.
Ekhuluma leStudio 7 ngoLwesithathu uMnu Tsvangirai uthe njalo uzulu kumele ebambane kudingwe amacebo okulungisisa umnotho oqhubeka udilika.
UMnu Tsvangirai uthe njalo akulalutho uMugabe azalwenzela izwekazi leAfrica njengomgcinisihlalo nanku uyehluleka ukulungisisa okunengi okuhluphayo elizweni lakhe.
Ekhuluma ngemihlangano labasekeli bebandla lakhe, uMnu Tsvangirai uthe uyaqhubeka njalo uzabhoda ngelizwe.
Sixhume umsekeli wesikhulumeli sebandla leli uNkosazana Thabitha Khumalo wasichasisela injongo yemihlangano le.
Your browser doesn’t support HTML5
Ingxoxo loNkosazana Thabitha Khumalo