Umncintiswane omkhulu womdlalo wenguqu oweAfrica Cup of Nations uqala kusasa kwele Ivory Coast lapho amaqembu angamatshumi amabili lanye, 24 ezwekazi leAfrica azangqikilana khona ebanga isicoco sokuba yintshantshu yeAfrica.
UMncintiswane lo ulindwe ngamehlo abomvu ngabalandeli bezenguqu emhlabeni wonke jikelele. Kusasa ziyakhala phakathi kweqembu leIvory Coast, ilizwe elenzelwa limdlalo yeAfcon 2023, leleGuinea Bissau. UOmega Sibanda owake wabangumsekeli wenhlanganiso yenguqu eyeZimbabwe Football Association uthi imdlalo le izabamnandi.
"Kukhanya izabamndani khangela phela ama thimu angezelelwe ukuthi abemanengi. Kuzaba lemidlalo emangalisayo ngikhangelele amathimu amakhulu azadlala laphana. Mina kodwa ngikhangelele kithi iSouthern Africa ukuthi ngibona ingani iZambia izasimelela, le DRC izasimelela. Umfana wakithi lapha eSouthern Africa uPatrick Daka uzasimelela uzasebenza sibili etshengisele ukuthi yena udlala ePrimier league eEngland.
Umqeqeshi weqembu leHighlanders njalo owake wadlalela iqembu lesizwe lama Warriors eZimbabwe uJoel Luphahla ulamaqembu abona engani enganqoba athathe inkezo yeAfrica.
Ngithiphi iSenegal lama players abo oSadio Mane, abafana bafana laye ngizayifaka khonaphana l think Coach Bruce is doing something good there eSouth Africa yi dark horse asingeke siba rule out. Bale young squad.
UJetro Ndebele weMaMbale ePlumtree laye umelele limdlalo ngenjabulo enkulu.
Sikhangelele Imidlalo emihle kakhulu sibona amaplayers amanengi awe Africa adlala overseas siwabukela edlala lawakhonapha eduze. Hayi mina bengikhangelele ukuthi maybe iSenegal ingawina ngoba ilama players amanengi alama qualifications asharp aseke awina ama champions league njengabo Sardio Mane labo Koulibally.
Kulabadlali abanengi abakhangelelwe ukudlala ezingeni eliphezulu kulimidlalo. UAshley Phiri laye ulomdlali wakhe amkhangelelyo.
"Mina ngili fan lika Sadio Mane odlalela eSenegal and ngibona ingathi ngendlela adlala ngayo iSenegal ile chance yokuthi iwine i AFCON."
Owesifazana olandela ezenguqu kakhulu uBuhle Ncube uthi uzabukela imdlalo yeAfcon ize iyephela njalo kulamaqembu ahamba lawo.
"Bengikhangelele Ithimu enjenge Egypy kulento engichaza ku Egypt angithi ngizayi mention ukuthi yiphi. Ngikhangelele iteam enjenge Namibia, there is something again nge Namibia engiyikhangeleleyo ukuthi bazayenza njani looking at i league yabo its not that competetive but they have managed to find themselves ku AFCON. So ngikhangelele iNamibia ngibone ukuthi izakwenza njani."
Amaqembu amazwe eAfrica ajayele ukuba litshumi lasitshiyagalombili 18 kumncintiswane yeAfcon kodwa lonyaka engezwe aba ngamatshumi amabili lane - 24. Iqembu leSenegal yilo eliphethe linkezo yeAfcon abayinqoba ngo2022. Akwaziwa ukuthi iyozala nkomoni lonyaka.