ISouth Africa Izabopha abeZimbabwe Abadlwengula Abesifazana

JOHANNESBURG —  Ivuyo labatshutshisi kweleSouth Africa ele National Prosecuting Authority kanye lamapholisa sebevumile ukucwayisisa lokubopha abetheswa amacala okudlwengula abesifazana eZimbabwe ngesikhathi sokhetho lukamongameli ngo2008.

Lokhu kuvezwe yinhlanganiso ye Aids Free World emhlanganweni lentatheli zindaba eJohannesburg ngoMvulo njalo linhlanganiso ithi abetheswa amacala laba bazabotshwa bathonisiswe bangavele bangene kwele South Africa.

Ngokutsho kwenhlanganiso le, ivuyo labatshutshisi kwele South Africa lamapholisa bathethe inyathelo leli lokucwayisisa lokubopha abadala amacala okudlwengula eZimbabwe ngokhetho luka 2008 ngemva kwesicelo esenziwe yile inhlanganiso.

Ngemva kokhetho lukamongameli ngo2008, inhlanganiso yeAids Free World incedisana lenhlanganiso ezizimeleyo eZimbabwe, ikhulume labesifazane abedlula amatshumi ayisitshiyagalombili (84) abadlwengulwa ngabesilisa ababazi ngamagama njalo bebachaza lokuthi ngabasekeli ZANU PF.

Kubika intathelizindaba yeStudio 7 Benedict Nhlapho usipha loludaba eseJohannesburg kwele South Africa.

Udaba lukaBenedict Nhlapho lokuthonisa abadlwengula abesifazana