Kulomuntu ongaziwayo obulele isotsha ngoMgqibelo kulandela ukukhulumisana kubi lalo enkambeni yeChicken Inn Police Base eChivhu esabelweni seMashonaland East.
Uhlangothi lwamapholisa oluhlolisisa amacala olweCriminal Investigations Department (CID) lubika ukuthi umuntu lo, obaleka lemibhobho emibili amaAK47, udubule uLorance Mupanganyama osebenza eReserve Force esiqintini seMount Darwin esabelweni seMashonaland East.
Udubule njalo elinye isotsha enkambani le okubikwa yiCID ukuthi nguPeter Zvirevo osebenza loMupanganyama. UZvirevo, olimele okumangalisayo, kubikwa ukuthi usesibhedlela.
Uhlangothi lweCID luthi umuntu owenze lokhu kuthiwa ukhulumisane kubi loMupanganyama phandle kwenkamba le bacina bengena enkambeni lapho athathele khona amasotsha imibobho esedubule omunye wakhe.
Kubikwa ukuthi uhle wathatha imibhobho yamasotsha wangena egangeni.
Kasenelisanga ukukhuluma ngodaba lolu lesikhulumeli samapholisa uSenior Assistant Commissioner Paul Nyathi kanye labakubutho.
Kodwa uNyathi utshele iphephandaba leSunday Mail ukuthi basadingisisa okwehlele amasotsha la njalo badinga umuntu owenze lokhu.
Umuntu lo kuthiwa ubegqoke iCOVID-19 mask eluhlaza, ibomber jacket emnyama, ijean eluhlaza okwesibhakabhaka lezicathulo zabantu abasebenza emafekithali ezinkulu.