Kuhlelo lwezizalwane zeZimbabwe ezihlala emazweni, ngoLwesithathu sixoxe loMnu. Collin Nyabadza, isizalwane seZimbabwe esihlala eCanada esithumezela izikolo ekhaya ingwalo zokubala lokunye okufanayo.
UNyabadza, owafundisa ezikolo ezinengi eZimbabwe, uthi uthanda ukuthuthukisa impilo yabantwana abaswelayo lalabo abazintandane.
Uthi usebenzelana lenhlanganiso ezinengi ekudingeni konke akuthumezela ekhaya lapho impahla le ethakazelelwa khona nguzulu.
“Ngithanda ukuzebenzela abantu abaswelayo ngakho-ke lokhu yikho okwangenza ukuthi ngidingele abantwana ekhaya amabhuku, amalembu asetshenziswa ngabantwana nxa besesikhathini lokunye okunengi. Sendincedise izikolo endaweni ezinjenge Matobo, Bubi lalapho engizalwa khona.
“Ngilethemba lokuthi abantu bayathakazelela esibenzela khona. Iyamangalisa indlela abasiyamukela ngayo nxa sibabona.”
UNyabadza usebenza labantu abanengi eZimbabwe abancedisa inhlanganiso yakhe ekuthwaleni impahla eyebe isithumezelwa ezikolo.