Kuhlelo lwezizalwane zeZimbabwe ezihlala emazweni, ngoLwesithathu sixoxe lesizalwane seZimbabwe,uMnu. Phithi Ngcobo, ongumbalisi eMaryland kwele Melika.
UNgcobo uthi ukufundisa eMelika akufani leZimbabwe njengoba abantwana besenelisa ukuthola konke okufunakalayo kwezemfundo.
Uthi eZimbabwe kudingeka ukuthi kulungiswe indlela ezinengi zokuthuthukisa imfundo ikakhulu eyabantwana abangamankazana.
UNgcobo odabuka eTsholotsho uthe kumele iZimbabwe ikhuthaze ukufundiswa kwamantombazana okukhanya kulokhe kungakhuthazwa kakhulu elizweni.
Uphinde wathi imfundo yeZimbabwe ephutshwa ngokubhala imihloliso yeOrdinary Level kayitshengisi ubuciko bezifundi ngakho-ke kungaba kuhle nxa kungenziwa imihloliso sonke sikhathi.
UNgcobo wafunda eUniversity of Zimbabwe, Oxford Brookes University leGeorge Washington University lapho afundela khona ukufundisa inombolo.
EZimbabwe wayeqeqetshe kuzifundo zesingisi.