Umkhokheli weMDC-T uMnu Morgan Tsvangirai sexwayise amazwe akumanyano weEuropean Union ukuthi angaze agijimela ukudlelana leZimbabwe kungelanguquko ekhanyayo kwezombusazwe.
Ekhuluma emhlanganweni oqoqwe yinhlanganiso yeChatham House eBhilithani, uTsvangirai uthe kusakunengi okumele kwenziwe ukuze kube lombuso okhululekileyo eZimbabwe okugoqela ukulandelwa kwesisekelo sombuso ngokugcweleyo kanye lokuguqulwa kwemithetho ephathelane lokhetho.
Ngalokho, uTsvangirai uthe amazwe eEU kumele abandezele uhulumende kaMugabe ukuthi alandele umbuso wentando yabanengi njalo efake imithetho ezakwenza ukhetho luka2018 luqhutshwe ngokufaneleyo.
UTsvangirai usole uhulumende weZanu PF esithi seyehlulekile ukulungisisa umnotho.
Wengeze wathi abakwamanye amazwe kumele bangenele bakhuthaze inkulumo phakathi kweZanu PF, iMDC lamanye amabandla kanye lozulu nje jikelele ukuze kulungisiswe ubunzima obukhona.
Ukuhlaziya amazwi kaTsvangirai sixhume ingcwethi kwezombusazwe uMnu Mlamuli Nkomo yena othe amazwi kaTsvangirai kalakho ukuhlakanipha.