Ele Iran selilobelane isivumelwano lamazwe entshonalanga ayisithupha sokumisa ukusetshenziswa kwamandla ohlobo lwe nuclear njengendlela yokuthi lelolizwe lesulelwe izijeziso zenotho.
Phansi kwesivumelwano lesi esilotshelwane ngemva kweminyaka embalwa elwakwele Iran lizavumela iziphathamandla zamazwe entsonalanga ukuthi angene emafekitalini akwele Iran kuhlolisiswa inhlelo zalelolizwe.
Kodwa idale le Congress lakweleMelika elilamalunga ebandla eliphiksayo elema Republicans, likhangelelwe ukwala ukusayina lesi sivumelwano lanxa uMongameli Obama elamandla okusayina kungakhathalekile ukuthi idale leli alivumelananga.
Ngomnyaka ka 2013 ele Zimbabwe lalithiwa lasiyenelana lele Iran isivumelwano sokuthenga amatshe aligugu awe uranium asetshenziswa ukulungisa amandla e nuclear kodwa uhulumende we Zimbabwe walandula limbiko.
Ingcwethi ecubungula ezombusazwe, uMnu. Brilliant Mhlanga utshele uChris Gande weStudio Seven ukuthi isivumelwano se Iran lamazwe la sizaphathisa ilizwe le Zimbabwe.
Your browser doesn’t support HTML5
Ingxoxo loMnu. Brilliant Mhlanga