Isithunywa senhlanganiso yeUnited Nations, esizahlolisisa omonakalo odalwa yizijeziso zenotho ezafakelwa inkokheli yebandla leZanu PF, sikhangelelwe ukuba sizaqala umsebenzi eZimbabwe kusasa.
UMnu. Nick Mangwana, umabhalane omkhulu wohlangothi lukahulumende olubona ngokwethulwa kwemibiko, uthi uNkosazana Elena Dohan, obizwa ngeSilungu ngokuthi yiSpecial Envoy for Human Rights, uzakwenza izimihlangano labaphathintambo bakahulumende, amabandla atshiyeneyo lenhlanganiso ezizimeleyo.
UMangwana uthi eleZimbabwe lifisa ukuba zesulwe izijeziso lezi ezafakelwa inkokheli yebandla leZanu PF.
Uthi abantu kumele bakhulume ngalizwi linye ngodaba lolu. Okuhlangothi lwabatsha kubandla leZanu PF, uMabutho Moyo, uthi inhlanganiso yeUnited Nations kukhanya ifisa ukuba zesulwe izijeziso lezi.
Kodwa uMnu. Nkululeko Sibanda, isikhulumeli sikamongameli webandla leMDC Alliance, uthi kusobala ukuba ibandla leZanu PF liqhubekela phambili likhahlameza uzulu.
Amazwe entshonalanga afakela inkokheli yebandla leZanu PF izijeziso zenotho esithi uhulumende wephula ilungelo loluntu njalo wehluleka ukuqhuba ukhetho oluqondileyo.
Your browser doesn’t support HTML5
Isithunywa seUnited Nations Sesifikile eZimbabwe