Sokuqhamuke ukukhulumisana kubi phakathi kweZanu PF leMDC kulandela ukupasiswa kwe-bill efaka isikwelede seReserve Bank of Zimbabwe ezandleni zikahulumende.
Ibandla MDC-T lithi lilakho ukuphikisa inyathelo leli emthethwandaba othethwa indaba zesisekelo sombuso.
Ukupasa kweReserve Bank of Zimbabwe Debt Assumption Bill ephalamende ngoLwesibili kutsho ukuthi uhulumende nguye osezadinga imali engange$1,3 billion ebhadale izikwelede yiRBZ.
Izikwelede lezi zigoqela esezinto zokulimisa ezaziphiwa abantu, ikakhulu amalunga eZanu PF ngesikhathi uMnu Gideon Gono engusibalukhulu weRBZ.
I-bill le ivotelwe ngamalunga eZanu PF kuphela, kodwa amalunga eMDC-T ebephikisa esithi ukufaka isikwelede lesi ezandleni zikahulumende kutsho ukuthi uzulu nguye oyabe esebhadala.
Kodwa abeZanu PF bathi iMDC ayisoze iphumelele ekuvimbeni lelinyathelo.
Sixhume ingcwethi kwezenotho uMnu Rejoice Ngwenya.
Your browser doesn’t support HTML5
Ingxoxo loMnu Rejoice Ngwenya