WASHINGTON DC —
Owayelilunga ledale le Senate lakweleMelika, umnumzana Mel Reynolds umiswe phambi komthethwandaba kamantshi eHarare ngoLwesithathu, esetheswa icala lokufunyanwa elemifanekiso yasemacansini njalo eselizweni okungekho emthethweni.
Igqwetha lakhe, umnumzana Arthur Gurura utshele iStudio Seven ukuthi umantshi uvumele uReynolds isicelo sakhe sokuhlolwa ngudokotela umkhuhlane we High Blood Pressure.
UReynolds, oleminyaka engamatshumi ayisithupha lambili, 62 yokuzalwa, owayengowebandla lama Democrats, wake watholakala elecala lokudlwengula emelika waze waxotshwa esikhundleni sokuba nguSenator.
Ulakho ukugwethselwa ukuhlala entilongweni okweminyaka emibili nxa engatholakala elecala lemifanekiso yasemancansini eZimbabwe.
UReynolds ukhangelelwe ukumiswa njalo emthethwandaba ngoLwesine kudaba lokuhlala elizweni okungekho emthethweni. Phandle komthethwandaba uReyonolds utshele intathelizindaba ukuthi uphethwe kuhle ngamapholisa.
UReynolds ubikwa ebotshwe phandle kweinye ihotela yaseHarare lapho abelesikwelede esedlula amadola azinkulungwane ezingamatshumi amabili lane, $24 500. Igcwethi kwezemithetho, umnumzana Job Sibanda utshele uChris Gande weStudio Seven ukuthi icala lemifanekiso yasemacansini kalisilocala elikhulu kakhulu nxa limifanekiso itholakale kumakhalekhukwini.
Igqwetha lakhe, umnumzana Arthur Gurura utshele iStudio Seven ukuthi umantshi uvumele uReynolds isicelo sakhe sokuhlolwa ngudokotela umkhuhlane we High Blood Pressure.
UReynolds, oleminyaka engamatshumi ayisithupha lambili, 62 yokuzalwa, owayengowebandla lama Democrats, wake watholakala elecala lokudlwengula emelika waze waxotshwa esikhundleni sokuba nguSenator.
Ulakho ukugwethselwa ukuhlala entilongweni okweminyaka emibili nxa engatholakala elecala lemifanekiso yasemancansini eZimbabwe.
UReynolds ukhangelelwe ukumiswa njalo emthethwandaba ngoLwesine kudaba lokuhlala elizweni okungekho emthethweni. Phandle komthethwandaba uReyonolds utshele intathelizindaba ukuthi uphethwe kuhle ngamapholisa.
UReynolds ubikwa ebotshwe phandle kweinye ihotela yaseHarare lapho abelesikwelede esedlula amadola azinkulungwane ezingamatshumi amabili lane, $24 500. Igcwethi kwezemithetho, umnumzana Job Sibanda utshele uChris Gande weStudio Seven ukuthi icala lemifanekiso yasemacansini kalisilocala elikhulu kakhulu nxa limifanekiso itholakale kumakhalekhukwini.