Zikhala ezimathonsi izakhamizi zemaphandleni zisithi yebo ulwazi lokuzivikela ukuthelelwa i-COVID-19, ziyaluthola, kodwa isimo somnotho welizwe, esingamanga kuhle, yiso esenza kube nzima ukuthi zilandele iziqondiso zokuzivikela ezabekwa nguhulumende labenhlanganiso yomanyano wamazwe womhlaba eye World Health Organization, ezijonge ukuvikela ukumemetheka kwegcikwane leli.
Ingcwethi zezempilakahle zithi inengi lezakhamizi zemaphandleni likhala ngokuthi alilamali yokuthenga impahla zokuzivikela ezinjengama mask, ama hand sanitizer lokunye.
Lokhu ngokunye kokuphume kungxoxo eyenziwe yiStudio 7, loNkosikhona Dibiti womsakazo weCommunity Podium TV.
“Uhlupho olukhona emaphandleni yikuthi khona akugqokwa ama mask. Emavinkilini aku sanitizwe. Amavinkilini awala imali zokuthenga ama sanitizer njengalokho okwenziwa emadolobheni,” kutsho uDibiti.
UNkosikhona Dibiti womsakazo weCommunity Podium TV
UDibiti uphinde watshela lumsakazo ukuthi izibhedlela zasemaphandleni zibhekane lohlupho olukhulu ngoba labo babhekane lodubo lokuswelakala kwempahla zokuzivikela njengalokho okwenzakala ezibhedlela ezinengi elizweni jikelele.
“Inengi labantu esixoxe labo especially eTsholotsho babekutshela ukuthi hhayi, uyabona i-clinic yethu esilayo awusoze uthutshe uTsholotsho unga refewanga. Ungafika eTsholotsho labo bayakutshela ukuthi ah- akulanto esingayenza ngoba akulamagetsi la hamba eMpilo. EMpilo vele kulohlupho ngoba ama nurse labodokotela bengekho emsebenzini eskhathini eside njalo kule shortage yama PPE. So ukushorta esikubona edolobheni, nxa sesiya emaphandleni vele akula lutho,” kutsho uDibiti.
Your browser doesn’t support HTML5
Ingxoxo Esiyenze Lo Nkosikhona Dibiti