Ukubanga izikhundla ebandleni leZanu PF sekufike kuzinga elethusa umuntu wonke oyisizalwane seZimbabwe oselizweni laphandle kwelizwe.
NgoLwesine elinye ixuku lalabo abalwa impi yenkululeko litshengisele lisola einye inkokheli yebandla kwaba lokugijimisana lamapholisa okuyinto engazake yenzakale.
Ingcwethi ezicubungula ngezombusazwe kanye lozulu jikelele ukhathazekile ngalesi simo esiselizweni ngoba kukhanya sokungasela nkokheli elobubelo emele ukuthuthukisa ilizwe, imela izifiso zikazulu owamkhethayo kodwa igijimela ukuzinothisa kanye lokulondoloza izikhundla.
Ngakwelinye icele abamabandla aphikisayo kulokuthi basebenzise leli thuba ukudinga usekelo ebantwini bathathe amanyethelo okususa iZanu PF embusweni lawo akhanya efuqana eminyezelana eziphendlela indawo ebukhokheleni bomanyano ongaba khona.
Ilizwe liqhubeka liwonakala kwezomnotho lakwezombusazwe uzulu akasazi ukuthi abheke ngaphi ukuze ancedakale nanku iziphathamandla ezikhokhela uhulumende ziyizo ezilwayo emabandleni azo.
Ukuhlaziya lesi simo esizelizweni uPraxedes Jeremiah owe Studio 7 uxoxe lentathelizindaba uSimba Nembaware kanye lengcwethi ecubungula ezombusazwe umnumzana Patrick Dube osungule inxoxo ethi kunzima ukubona sibisibili ukuthi ilizwe liqonde kuphi.
"Ekulwisaneni konke lokhu kunzima ukuthi abantu makhaza bangenele ngoba yimpi yomdeni, siyabatshiya belwisane yebo akusincedi lutho kuyasibuyisela muva njengelizwe, abantu bayalamba, izisebenzi zigunyulwa emsebenzini nsuku zonke lezulu kalini ukuthi abantu bezilimele ukuziphilisa, uh! ngempela abantu bathwele nzima kodwa akula abangakwenza".
UNembaware yena uthi yisimo esidanisayo okwamagama esikhona elizweni elihle kangaka elinothe ngemvelo labantu abangasibo mavila.
"Abamabandla aphikisayo kulokuthi labo bathathe leli thuba lokulwisana okukuZanu PF ukuqoqana balisuse embusweni labo bayahluphana beqhamulana phakathi, kuthi laloba kusiba lomqondo wokubumba umanyano kube lembuzo yokuthi ngubani okumele akhokhele lowo manyano abanye bezibona bebakhulu ukwedlula abanye, kuyahlupha vele lokhu" utsho uNembaware.
Your browser doesn’t support HTML5
Ingxoxo loSimba Nembaware lomnumzana Patrick Dube