WASHINGTON DC —
Ugatsha lwe Zimbabwe National Statistical Agency (ZIMSTAT) luthi isilinganizo sokugugudeka komnotho welizwe, i-inflation sikhwele sivela ku 0.41 ngenyanga ka Mbimbitho sayafika ku 0.49 percent ngenyanga edluleyo ingcwethi kwezenotho ezithi kutshengisa ukuqhubeka kokungathuthuki komnotho welizwe, uzulu ethwelenzima.
Enye yalezi ngcwethi, uMnu. Godfrey Kanyenze ongumkhokheli wenhlanganiso ye Labor and Economic Development Institute utshele iStudio Seven ukuthi isilinganiso lesi sitshengisa ukugugudeka komnotho welizwe okudlulise amalawulo okuthiwa yi deflation ngesilungu.
U Kanyenze uthi Lokhu kutshengisa ukwehluleka kokuthenga impahla okubangelwa yikuvalwa kwamankampani, izisebenzi ziswela imisebenzi lemali ingatholakali lula elizweni.
Umphathintambo wezemali, uMnu. Patrick Chinamasa esethula uluhlu lwemali yokusetshenziswa kwengatsha zakhe, ibudget, wathi umnotho welizwe ukhangelelwe ukuthuthuka ngesilinganiso sokuyisithupha ekhulwini, I 6.0 percent.
Enye njalo ingcwethi kwezomnotho welizwe, uMnu. Masimba Kuchera utshele uChris Gande we Studio Seven ukuba isilinganiso sika Chinamasa singafezeka njengoba izulu line kuhle lonyaka, okungenza izilimo ezifana legwayi lenqoloyi zithuthukise umnotho welizwe.
Enye yalezi ngcwethi, uMnu. Godfrey Kanyenze ongumkhokheli wenhlanganiso ye Labor and Economic Development Institute utshele iStudio Seven ukuthi isilinganiso lesi sitshengisa ukugugudeka komnotho welizwe okudlulise amalawulo okuthiwa yi deflation ngesilungu.
U Kanyenze uthi Lokhu kutshengisa ukwehluleka kokuthenga impahla okubangelwa yikuvalwa kwamankampani, izisebenzi ziswela imisebenzi lemali ingatholakali lula elizweni.
Umphathintambo wezemali, uMnu. Patrick Chinamasa esethula uluhlu lwemali yokusetshenziswa kwengatsha zakhe, ibudget, wathi umnotho welizwe ukhangelelwe ukuthuthuka ngesilinganiso sokuyisithupha ekhulwini, I 6.0 percent.
Enye njalo ingcwethi kwezomnotho welizwe, uMnu. Masimba Kuchera utshele uChris Gande we Studio Seven ukuba isilinganiso sika Chinamasa singafezeka njengoba izulu line kuhle lonyaka, okungenza izilimo ezifana legwayi lenqoloyi zithuthukise umnotho welizwe.
Your browser doesn’t support HTML5
Ingxoxo loMnu. Masimba Kuchera