Isibhedlela seThorngroove esiphansi kwekhansili yakoBulawayo, ngoLwesibili sinikwe zinhlanganiso ezimbalwa impahla yokuvikela ukumemetheka kwegciwane leCOVID-19.
Lesi sipho sivele kwabebhanga leStanbic, Zimbabwe Cricket leBulawayo Arts Culture and Endowment Fund, besekela imizamo kahulumende yokumelana lokumemetheka komkhuhlane weCOVID-19 edolobheni leli.
AbeThorngroove Hospial bathole uncedo lwemphahla yokuzivikela kuCovid 19
Lokhu kwenzakala ngesikhathi inani lasebetholakele beleCOVID-19 elizweni liqhubekela phambili likhuphuka okwethusayo ngakho-ke inhlanganiso ezizimeleyo lamankampani sekubone kufanele ukuba aphathise ngazo zonke indlela.
UNkosazana Cynthia Mvundla, owebhanga leStanbic, uthi banike iThorngroove impahla etshiyeneyo.
“Lamhlanje njengebhanga leStanbic siphe izipho ezehlukeneyo kukhansili yedolobho lakoBulawayo ezijonge ukuyasiza izisebenzi zesibhedlela seThorngroove Hospital esiyingxenye yezibhedlela ezonga abantu abalegciwane leCOVID-19. Isipho sethu silempahla ezibalisa ama protective suites ayi500, amasurgical masks ayi3750, faceshields angu 125, N95 Masks 750, gogogles 500 lamagloves ayi 5 000. Lokhu kuzasia kakhulu abaphatheke kwezempilakahle.”
AbeThorngroove Hospial besamukela uncedo abaluphiwe ngabeStanbic Bank
UNkosikazi Mvundla uqhubekele phambili esithi baphe iventilaor kanye lezibholane ezimbili.
“Siphe njalo iventilator kusibhedlela seThorngroove ezanceda izigulane esibhedlela lesi. Siphe njalo izibholane ezimbili ezizagejwa khonapha koBulawayo elokitshini leCowdray Park kanye leGlenorah eHarare, siyabonga.”
Isiphathamandla seZimbabwe Cricket, uMnu. Nicholas Nsingo, uthi baphe ikhansili impahla lamaphilisi.
“Sibone kuqakathekile ukusebenzelana lekhansili yedolobho lakoBulawayo, siphe impahla ezehlukeneyo zokuncedisa ekuvikeleni ukumemetheka kweCovid-19 ezibalisa amasanitizers, amaphilisi, cough mixture. Kuviki ephelileyo siye eNtembeni lePercy Epson sayachela ngomuthi wokubulala igcikwane leCovid-19 sapha izipho ezehlukeneyo ezibalisa amasanitizers isepa lemithi ehlukeneyo.”
AbeThorngroove Hospial besamukela uncedo abaluphiwe ngabenhlanganiso yeBulawayo Arts Culture Heritage and Endowment Fund
UJoshua Nyampimbi, owenhlanganiso yeBulawayo Arts Culture Heritage and Endowment Fund, uthi bancede amaqembu okuthokozisa uzulu.
“Siphe impuphu kuma Senior Artists ethu akoBulawayo, angamalunga eLuba Lemvelo, Thandanani Womens Group lamaCool Crooners. Yikho esikwenelisileyo okwanamuhla.”
UMayor wakoBulawayo esamukela uncedo lwesibhedlela seThorngroove
UMayor wedolobho lakoBulawayo, uMnu. Solomon Mguni, wamukele loluncedo, ebonga kakhulu kubobonke abelule izandla besenzela ukunceda abantu abaswelayo.
Isibhedlela seThorngroove siqhubekela phambili sithola uncedo oluvela kumankampani, uzulu lenhlanganiso ezizimeleyo kunye lamabandla ezombuso, labezinkonzo.