ISave Matabeleland Coalition Ibikela iUnited Nations Ukuba Lulakho Ukungaqhutshwa Kuhle Uhlelo Lokuhlolisisa Umbhuqazwe weGukurahundi

WASHINGTON — 

Inhlanganiso yeSave Matabeleland Coalition itshela eyeUnited Nations ukuthi uhlelo lokuhlolisisa umbhuqazwe weGukurahundi kalusoze luqhutshwe ngemfanelo uma uhulumende esenza santando.

Umkhokheli wenhlanganiso le, uMnu. Busani Sibindi, uthi kunengi okusolwa ngabantu kuhlelo olusungulwe okusemthethweni nguMongameli Emmerson Mnangagwa ngeviki ephelileyo.

USibindi uthe bayalusola kakhulu uhlelo lolu oluphansi kuka Mnangagwa labanye abacatshangelwa nguzulu ukuba baphatheka kumbhuqazwe lo okwabulawa abantu abafika inkulungwane ezingamatshumi amabili – 20,000 eMatabeleland leNkabazwe.

SEE ALSO:

Ingxoxo Esiyenze loMnu. Busani Sibindi

Okhokhela uhlelo lolu, induna uMtshana Khumalo, uthi kuyavunyelwa ukuba abantu balusole ngoba abantu bengeke bevumelane ngakho konke sonke isikhathi.

SEE ALSO:

Ingxoxo Esiyenze loMtshana Khumalo