WASHINGTON DC —
<p>Inhlanganiso ezizimeleyo zithi umanyano weSADC kumele ukhangele udaba lokwephulwa kwamalungelo oluntu emazweni abalisa eleZimbabwe, Malawi, Swaziland, Zambia leAngola emhlanganweni walumanyano oqala eVictoria Falls ngeSonto.</p> <p>Inhlanganiso lezi zigoqela iHuman Rights Watch, iAmnesty International leZimbabwe Lawyers for Human rights, njalo zithi zizakwenza umhlangano lentatheli eHarare kusasa ziveze konke ezifuna kwenziwe yiSadc.</p> <p>Umhlangano walumanyano uyaqala eVoctoria Falls ngeSonto lapho uMongameli Mugabe akhangelelwe khona ukuthatha ubukhokheli beSadc.</p> <p>Ukuhlaziya loludaba iStudio Seven ixhume ingcwethi kwezombusazwse uMnu Rejoice Ngwenya yena othi akulanguquko ezwayo ezalethwa nguMugabe kuSadc. </p>