Iqula lenhlanganiso ephathisa amazwe womhlaba ngemali yentuthuko, eye International Monetary Fund (IMF) elizohlolisisa ukuguquka komnotho we Zimbabwe selifikile eHarare lapho elikhangelelwe ukuhlangana leziphathamanda zikahulumende, abameli be Reserve Bank of Zimbabwe kanye labosomabhizimusi.
Iqula leli lifika ngesikhathi kulembiko ethi ibandla le ZANU-PF lifuna ukuthatha amankampani emazweni adlelana lamazwe afakela uMongameli Robert Mugabe labanye bakhe izijeziso zenotho.
Amankampani la nganjenge Coca-Cola Bottlers, Standard Charttered Bank, Stanbic Bank, Nestle Zimbabwe lamanye awemazweni entshonalanga.
Iqula leli likhangelelwe ukuthi likhonone ngezenzo zebandla le ZANU-PF ezicatshangelwa ukuthi zibisela muva ukuthuthuka komnotho we Zimbabwe.
Ingcwethi kwezenotho uMnu. Daniel Ndlela uthi iqula leli likhangelelwe njalo ukuthi likhuthaze iZimbabwe ukuthi kumele yenze inhlelo ezinanza uzulu.
