Iqembu leZimbabwe Warriors selingenile kumidlalo yokucina yomncintiswano we2025 Africa Cup of Nations ngemva kokuba ngutshiki lobhanqa 1-1 leleKenya emdlalweni odlalelwe enkundleni yePeter Mokaba Stadium ePolokwane ngoLwesihlanu kweleSouth Africa.
Umdlali weZimbabwe Warriors uTawanda Maswanise uhlohle umdlalo usulemizuzu elitshumi lantathu kwathi owakweleKenya uJonah Aynga walithela emambuleni kusigaba sesibili somdlalo lo.
Iqembu leWarriors lokhu lilomdlalo owodzwa okumele liwudlale loba ungasoze uguqule ukufika kwalo kusigaba se-final.
EleZimbabwe belikhangelelwe ukuba lizanqoba eleKenya ukuze lihlale phezu kwengalane yesibaya sikaGroup J okuleqembu leCameroon leleNamibia.
Loba libengutshiki lobhanqa, seliphumelele ukuyadlala emidlakweni yeAFCON final eMorocco.