Iqembu leZimbabwe Warriors libengutshiki lobhanqa lele Uganda emdlalweni wenkezo yeAfrica Cup of Nations odlalelwe kwele Gibhite ngoLwesithathu.
UKhama Billiat (AP)
Bakhuthe ukulithela emambuleni okumbalwa abafana beZimbabwe kwaze kwethusa abaqeqetshi beqembu leli uSunday Chidzambwa loRahman Gumbo abaphume kumabonakude bevule imilomo.
Iqembu leUganda yilo eliqalise ukulithela emambuleni kulandela ukudlala kahle kwabagadli abathathu abagoqela uEmmanuel okwi, onguye olithele emambuleni umdlalo usanda kuqala.
Bekudlalwa okumangalisayo ...
UKhama Billiat ulithele emabhuleni kucele leZimbabwe sokulemizuzu engamatshumi amane umdlalo uqalile.
Kodwa-ke abaqeqetshi, abadlali lababukele umdlalo lo babambe owangaphansi kanenginengi ngesikhathi uKnowledge Musona ekhutha ukuhlohla kumele atshayele emambuleni ecimezile.
Iqembu leZimbabwe, elisesigabeni sesithathu kungalane kaGroup A, yilo ebelidlala okwedula eleUganda kodwa lehluleka ukunqoba. Iqembu leEgpyt likhokhela ingalane kaGroup A lilandelwa ngele Uganda. Ele DRC Congo lidonsa nzima kungalani le.
Akwaziwa ukuthi ilizwe leZimbabwe lizadlala njani lele DR Congo.
Kweminye imidlalo efanayo, iqembu leEgypt linqobe ele Democratic Republic of Congo 2-0 kwathi-ke ele Nigeria lanqobe eleGuinea 1-0. Kubengutshiki lobhanqa emdlalweni weqembu leGhana lele Benin