Seliyehle layahlala endaweni yesine iqembu leHighlanders ngemva kokunqotshwa elikwenziwe ngeleFC Platinum nge 2 ka nya namhla emini enkundleni yeBarbourfields.
leFC Platinum liphange lahlohla kabili umdlalo usanda kuqala kungakabi lemizuzu efika elitshumi.
Abahlohlele iqembu leFC Platinum nguJuan Mutudza kanye loLawrence Mhlanga. Kuthe ngemva kwalokho lenelise ukuvikela isango lalo umdlalo waze wafika emaphethelweni lathatha yomithathu imiklomelo.
Limpumela itshiye iqembu leFC Platinum selihlezi endaweni yesibili lilemiklomelo engamatshumi amabili lanye (21) kuthi eleHighlanders lisendaweni yesine lilemiklomelo elitshumi lathoba munwe munye (19).
Phezu kwengalane kuleqembu leManica Diamonds lona elitshaye eleBikita Minerals nge 1 ka nya ngaseSakubva.
Iqembu leManica Diamonds lilemiklomelo engamatshumi amabili lambili (22) ngemva kwemidlalo elitshumi lanye.
Eminye imidlalo edlalwe namhlanje iphele ngokulandelayo; iqembu leHwange libe ngutshiki lobhanqa 1 ka 1 leleArenel ngaseColliery, iqembu leDynamos libe ngutshiki lobhanqa 1 ka 1 leleHerentals ngaseRufaro kuthi iqembu leTelOne linqotshwe nge 2 ka nya ngeleChegutu Pirates.