Ekuqhubekeni kokudonselana amandla okusebandleni le Zanu PF sekuqhamuke ukuphoselana aqatha kunkokheli yebandla labaxotshwa ebandleni leli. Lokhukulandela imbiko ethulwe ngowayengunobhala wokuhlela inhlelo zebandla, uMnu. Didymus Mutasa.
Embikweni wakhe uMnu Mutasa, yena othe ummela bonke abathukuthele ngokwenzakala kuZanu PF, uthe bafuna impumela yomhlangano we congress weZanu PF oqhutshwe ngoMpalakazi yesulwe njalo bonke abaxotshwayo ezikhundleni zabo babuyiselwe.
Umphathintambo wezokwethulwa kwemibiko, uMnu. Jonathan Moyo ufanise uMutasa njengomuntu oziphuphelayo nje kuphela engazi ukuthi wenzani. Kuthi owayeyisikhulumeli sebandla, uMnu. Rugare Gumbo uthe abafana lomsekeli kamongameli, uMnu. Emmerson Mnangagwa ngontando kayiphikiswa.
Ilunga ledale le central committee yalelibandla, uMnu. Joseph Tshuma utshele uChris Gande weStudio Seven ukuthi abasola okwenzakala ebandleni ngabalobuhlungu bokungakhethwa.
Your browser doesn’t support HTML5
Ingxoxo loMnu. Joseph Tshuma
UChris Gande uphinde waxoxa lengcwethi ecubungula ezombusazwe, uMnu. Rejoice Ngwenya.
Your browser doesn’t support HTML5
Ingxoxo loMnu. Rejoice Ngwenya