WASHINGTON DC —
Ikhomithi yephalamende ebona ngezempilakahle ebibhoda ibona izibhedlela ithi izakhuthaza ukwengezwa kwemali ephiwa uhlangothi lwezempilakahle kanye lokutshintshwa kwemithetho kahulumende ukuze izibhedlela zivunyelwe ukubhadalisa ezinye izigulane.
Kodwa ezinye ingcitshi zithi izibhedlela zikahulumende zingaqala ukubhadalisa abanye abantu bazakwehluleka ukwelatshwa.
Ikhomithi le ithi njalo izibhedlela zikahulumende ezinengi azila mitshina, imithi, izisebenzi kanye lokunye okudingakalayo ekwelapheni izigulane.
Ilunga lekhomithi le njalo emela iGwanda Central edale lephalamende uNkosikazi Nomathemba Ndlovu utshele iStudio7 ukuthi umumo osezibhedlela zikahulumende awumanga kuhle.
SEE ALSO: Ingxoxo loNkosikazi Nomathemba Ndlovu.