Ugatsha lukahulumende olubona ngezamanani olweZimbabwe National Statistics Agency (ZimStat), luthi intengo yokudla kanye lokunathwayo, i-inflation, ikhwele ngesilinganiso sokukodwa okulengxenye ekhulwini, 1.4 percent ngemali yeZimbabwe, iZIG, kulinyanga.
Ngedola leMelika nxa kuqathaniswa lasemnyakeni odluleyo, intengo yezinto ezinengi ikhwele isuka kusilinganiso esedlula okuthathu, 3,6 percent ekhulwini yaya ku-3,7 percent.
Ukukhuphuka kwentengo yokudla kuza ngesikhathi eleZimbabwe libhekane lendlala ehlasele abantu abayizigidi eziyisitshiyagalolunye, 9 million.
Ukhansila kaWard 18 eDete uMnu Stanley Torima utshele umsakazi weStudio 7 ukuthi ukudula kwezinto kwenza impilo ibe lukhuni ngamandla ebantwioni abanengi abavele bebhekane lendlala.
Your browser doesn’t support HTML5
Ingxoxo loMnu Stanley Torima