Imali yeZimbabwe ibikwa yiyo elesisindo esiphansi ukwedlula imali zamazwe wonke omhlaba.
Intengo yempahla ibikwa iqonga ngesilinganiso sokwedlula inkulungwane ekhulwini - 1,072%.
Kodwa uhulumende weZimbabwe yena uthi lesi silinganiso sikumatshumi amabili lasithupha ekhulwini - 26.5 %.
Lokhu kuphume embikweni owethulwe yingcwethi yezenotho emazweni omhlaba, uSikhwicamfundo Steve Hanke ngeviki edluleyo oveze ukuthi idola leMelika elilodwa selithengwa ngenkulungwane ezedlula ezilitshumi zamadollar eZimbabwe - ZW$12,500.
Exoxa leStudio7, ingcwethi yezenotho njalo ekhokhela inhlanganiso emela amalungelo abathengi eyeNational Consumer Rights Association, uMnu Effie Ncube, uthi uhulumende kumele alungisise ezombusazwe ukuze umnotho welizwe uthuthuke njalo imali yelizwe ibelesisindo.
Your browser doesn’t support HTML5
Ingxoxo esiyenze loMnu Effie Ncube.